ଖୋର୍ଦ୍ଧାରେ ଟ୍ୟୁସନ ସାରଙ୍କୁ ଦଳିଦେଲା ହାତୀ

ଟାଙ୍ଗି ରେଞ୍ଜ ନିରାକାରପୁର କଲେଜ ପଡିଆ ନିକଟରେ ହାତୀ ଆକ୍ରମଣରେ ଜଣଙ୍କ ମୃତ୍ୟୁ ହୋଇଛି । ଅଧିକ ପଢନ୍ତୁ...

ଖୋର୍ଦ୍ଧା:ହାତୀ ଆକ୍ରମଣରେ ଜଣେ ମୃତ । ଟାଙ୍ଗି ରେଞ୍ଜ ନିରାକାରପୁର କଲେଜ ପଡିଆ ନିକଟରେ ହାତୀ ଆକ୍ରମଣରେ ଜଣଙ୍କର ମୃତ୍ୟୁ ହୋଇଛି । ମୃତକ ଜଣଙ୍କ ନିରାକାରପୁର ଡିଆ ଭୋଇସାହି ଗ୍ରାମର ବିଜୟ କୁମାର ପଟ୍ଟନାୟକ ବୋଲି ଜଣାପଡିଛି।

ସୂଚନାଅନୁଯାୟୀ ବିଜୟ ଟ୍ୟୁସନ ସାରି ଘରକୁ ଫେରୁଥିବା ବେଳେ ହାତୀ ହାବୁଡରେ ପଡିଯାଇଥିଲେ। ହାତୀ ବିଜୟଙ୍କୁ ଆକ୍ରମଣ କରିବା ପରେ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଯାଇଛି । ତେବେ ଦୀର୍ଘଦିନ ଧରି ଜଙ୍ଗଲୀ ହାତୀପଲ ଏହି ଅଞ୍ଚଳରେ ଆତଙ୍କ ଖେଳାଉଛନ୍ତି ।

କିଛିଦିନ ତଳେ ଗୋଡିପଡା ନିକଟରେ ହାତୀ ଆକ୍ରମଣରେ ଦୁଇଜଣ ଆହତ ହୋଇଥିଲେ । ଜଙ୍ଗଲର ଦ୍ରୁତ ଅବକ୍ଷୟ ପାଇଁ ଜଙ୍ଗଲୀ ହାତୀ ଖାଦ୍ୟ ଅନ୍ବେଷଣରେ ଆସି ମଣିଷ ଜୀବନ ନେଉଥିବା ଦେଖାଯାଉଛି ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ