ବଜ୍ରାଘାତରେ ଚାଲିଗଲା ଜଣଙ୍କ ଜୀବନ, ଜଣେ ଗୁରୁତର

ରାଜ୍ୟରେ କ୍ରମାଗତ ଭାବେ ବଜ୍ରଘାତ ଯୋଗୁଁ ଲୋକଙ୍କ ଜୀବନ ଯାଉଛି । ଖୋର୍ଦ୍ଧାରେ ବଜ୍ରଘାତରେ ଜଣଙ୍କର ମୃତ୍ୟୁ ଘଟିଥିବା ବେଳେ ଜଣେ ଗୁରୁତର ଆହତ ହୋଇଛନ୍ତି ।

ଖୋର୍ଦ୍ଧା: ପୁଣି ବିଜୁଳି ନେଲା ଜୀବନ । ବଜ୍ରାଘାତରେ ଖୋର୍ଦ୍ଧା ଜିଲ୍ଲାର ବଡତୋଟା ଗାଁରେ ଜଣଙ୍କର ମୃତ୍ୟୁ ଘଟିଥିବା ବେଳେ ଜଣେ ଗୁରୁତର ଅଛନ୍ତି । ମୃତକ ହେଲେ ଭରତ କୁମାର ପାତାଳ ସିଂ ।

ସୂଚନା ଅନୁଯାୟୀ, ଭରତ ବିଲରେ କାମ କରୁଥିବା ବେଳେ ବଜ୍ରଘାତ ହୋଇଥିଲା । ଫଳରେ ଘଟଣା ସ୍ଥଳରେ ହିଁ ତାଙ୍କର ମୃତ୍ୟୁ ଘଟିଛି । ସେହିପରି ଅନ୍ୟ ଜଣେ ଗୁରୁତର ହୋଇଛନ୍ତି । ଏହି ଘଟଣାକୁ ନେଇ ଗାଁରେ ଶୋକର ଛାୟା ଖେଳି ଯାଇଛି ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ