ଖୋର୍ଦ୍ଧା:ଏସ୍ଟିଏଫ୍ ପଞ୍ଝାରେ ବ୍ରାଉନସୁଗାର ବ୍ୟବସାୟୀ । ଖୋର୍ଦ୍ଧା ଗୁରୁଜଙ୍ଗ ଟାଙ୍ଗି ସାହିରେ ଏସ୍ଟିଏଫର ଚଢାଉବେଳେ ୩୧୦ ଗ୍ରାମ୍ ବ୍ରାଉନସୁଗାର ଜବତ ହୋଇଛି । ଏହାସହିତ ବ୍ରାଉନସୁଗାର ବ୍ୟବସାୟ ଅଭିଯୋଗରେ ଜଣଙ୍କୁ ଗିରଫ କରିଛି ଏସ୍ଟିଏଫ । ଗିରଫ ଅଭିଯୁକ୍ତ ଜଣକ ସ୍ଥାନୀୟ ଅଞ୍ଚଳର ରାଜକିଶୋର ସୁନ୍ଦରାୟ ଓରଫ ଗୁଟୁ ବୋଲି ଜଣାପଡ଼ିଛି ।
ଏହା ପ୍ରଥମ ଥର ନୁହେଁ ଏହା ପୂର୍ବରୁ ମଧ୍ୟ ବ୍ରାଉନସୁଗାର କାରବାର ଅଭିଯୋଗରେ ଗିରଫ ହୋଇ ସାରିଛି ଗୁଟୁ । ଗତ କିଛି ଦିନ ପୂର୍ବେ ଜାମିନ୍ରେ ଆସିଥିବାବେଳେ ପୁଣି ଥରେ ଏହି ଜହର ବ୍ୟବସାୟ ଆରମ୍ଭ କରି ଦେଇଥିଲା । କୌଣସି ସୂତ୍ରରୁ ଖବର ପାଇଁ ଏସ୍ଟିଏଫ୍ ଟିମ୍ ଗୁଟୁକୁ ଗିରଫ କରିଛି ।