ଭୁବନେଶ୍ବର : ବର୍ତ୍ତମାନ ରାଜ୍ୟରେ ଲଗାତାର ପଜିଟିଭିଟି ରେଟ କମିଚାଲିଛି । କିନ୍ତୁ ରାଜ୍ୟରେ ଏବେ ବି ୨୫ ରୁ ୩୦ ପ୍ରତିଶତ ଡେଲ୍ଟା ଭାଇରସ ସକ୍ରିୟ ଅଛି । ଡେଲ୍ଟା ଭରିଆଣ୍ଟ ଗୁରୁତର କରିଥାଏ, ତେଣୁ ସ୍ଥିତି ସୁଧୁରୁଥିଲେ ମଧ୍ୟ ବିପଦ ଟଳିନାହିଁ । ସବୁ ତଥ୍ୟକୁ ବିଶ୍ଳେଷଣ କରି ଫେବୃଆରୀ କଟକଣା ନିଷ୍ପତ୍ତି ନିଆଯିବ ବୋଲି କହିଛନ୍ତି ସ୍ୱାସ୍ଥ୍ୟ ନିର୍ଦେଶକ ।
ସବୁ ତଥ୍ୟକୁ ବିଶ୍ଳେଷଣ କରି ଫେବୃଆରୀ କଟକଣା ନିଷ୍ପତ୍ତି ନିଆଯିବ : ସ୍ୱାସ୍ଥ୍ୟ ନିର୍ଦେଶକ
ନିଓକୋଭର ଯେଉଁ ଭାରିଆଣ୍ଟ ବାହାରିଛି, ତାହା ଏବେ ପକ୍ଷୀ ଠାରେ ଦେଖିବାକୁ ମିଳୁଛି । ପକ୍ଷୀରୁ ମଣିଷକୁ ସଂକ୍ରମଣ ନେଇ କୌଣସି ତଥ୍ୟ ନଥିବା WHO କହିଛି । ଏହା ପକ୍ଷୀରୁ ମଣିଷ ପାଖକୁ କେତେ ସଂକ୍ରମିତ ହେଉଛି ସେନେଇ ତଥ୍ୟ ନାହିଁ । ତେଣୁ ନିଜକୁ ବିପଦମୁକ୍ତ ରଖିବା ପାଇଁ କରୋନା ନିୟମ ମାନିବା ସହ ଟିକା ନନେଇଥିଲେ ଟିକା ନେବାକୁ ପରାମର୍ଶ ଦେଇଛନ୍ତି ସ୍ୱାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର।