ଭୁବନେଶ୍ବର: ଓଡିଶା ଏଫସି ତା'ର ଘରୋଇ ଗ୍ରାଉଣ୍ଡ କଳିଙ୍ଗ ଷ୍ଟାଡିୟମରେ 2ୟ ମ୍ୟାଚ ଖେଳିବ । ଚଳିତ ସିଜିନର ପ୍ରଥମ ଘରୋଇ ମ୍ୟାଚ ଗତ ମାସ 28 ତାରିଖରେ ଓଡିଶା ଏଫସି ଜାମସେଦପୁର ବିପକ୍ଷରେ ଖେଳି 2-1 ବ୍ୟବଧାନରେ ବିଜୟ ଲାଭ କରିଛି। ତେବେ ଡିସେମ୍ବର6ରେ ଚେନ୍ନାଇନ ବିପକ୍ଷରେ ଓଡିଶା ତା'ର 2ୟ ଘରୋଇ ମ୍ୟାଚ ଖେଳିବ ।
ଆଗାମୀ ମ୍ୟାଚ ପାଇଁ ଓଡିଶା ଦଳ ସମ୍ପୂର୍ଣ୍ଣ ପ୍ରସ୍ତୁତ । ବହୁତ ସଂଖ୍ୟାରେ ଦର୍ଶକମାନେ ଆସି ସେମାନଙ୍କୁ ସମର୍ଥନ କରିବାକୁ ଓଡିଶା ଏଫସିର ସହାୟକ କୋଚ ଥାଙ୍ଗ ବୋଇ ନିବେଦନ କରିଛନ୍ତି। ଓଡିଶା ଏଫସିର ସହାୟକ କୋଚ ବିଗତ ମ୍ୟାଚରେ ବିଜୟର ଶ୍ରେୟ ଖେଳାଳି ଓ ସମର୍ଥକଙ୍କୁ ଦେଇଛନ୍ତି । ଆଗାମୀ ମ୍ୟାଚରେ ଷ୍ଟାଡିୟମ ଆସି ଖେଳାଳିଙ୍କୁ ସମର୍ଥନ କରିବାକୁ କହିଛନ୍ତି। ଏହା ସହିତ ଗତ ମ୍ୟାଚ ସମୟରେ ପଡିଆର ଅବସ୍ଥାରେ ପରିବର୍ତ୍ତନ ଦେଖିବାକୁ ମିଳିଥିଲା। କିଛି ସମୟର ଖେଳ ପରେ ପଡିଆରେ ଘାସ ଓ ମାଟି ଉଠି ଯାଇଥିଲା। ଯେଉଁଥିପାଇଁ ଖେଳାଳି ମାନେ ଯେଉଁ ପରିମାଣର ପ୍ରଦର୍ଶନ କରିବା କଥା ତାହା କରି ପାରି ନଥିବା ସହାୟକ କୋଚ କହିଛନ୍ତି।