ଖୋର୍ଦ୍ଧା:କୋରୋନା ମହାମାରୀ କାଳରେ ଏବେ ରାଜ୍ୟରେ କାୟା ବିସ୍ତାର କରିଛି ଡେଙ୍ଗୁ । ଦିନକୁ ଦିନ ବୃଦ୍ଧି ପାଉଛି ଡେଙ୍ଗୁ ରୋଗୀଙ୍କ ସଂଖ୍ୟା । ଆଉ ସେଥିରେ ଆଗରେ ରହିଛି ଖୋର୍ଦ୍ଧା ଜିଲ୍ଲା । ଆଉ ଏହାର ପ୍ରମୁଖ କାରଣ ପାଲଟିଛି ଅସ୍ୱାସ୍ଥ୍ୟକର ପରିବେଶ ଆଉ ନାଳ ନର୍ଦ୍ଦମା । ଯାହା ଏବେ ଖୋର୍ଦ୍ଧା ବାସୀଙ୍କ ମୁଣ୍ଡ ବିନ୍ଧାର କାରଣ ପାଲଟିଛି । ଜିଲ୍ଲାର 22 ଗୋଟି ୱାର୍ଡରେ ରହିଛି ଜଳ ନିଷ୍କାସନ ପାଇଁ ଡ୍ରେନ । ମାତ୍ର ଏହି ଡ୍ରେନ ଗୁଡିକ ଏବେ ଆବର୍ଜନାରେ ରହିଛି ପୋତି ହୋଇଛି । ଆଉ ଏହି ଆବର୍ଜନାମୟ ପରିବେଶ ଯୋଗୁଁ ଡେଙ୍ଗୁ ମଶାଙ୍କ ବଂଶ ବୃଦ୍ଧି ପାଉଛି ।
ବିପର୍ଯ୍ୟସ୍ତ ପରିମଳ ବ୍ୟବସ୍ଥା; ବୃଦ୍ଧି ପାଉଛି ଡେଙ୍ଗୁ ରୋଗୀଙ୍କ ସଂଖ୍ୟା
ସହରର ଉନ୍ନତିକରଣ ପାଇଁ ଲକ୍ଷ ଲକ୍ଷ ଟଙ୍କା ଆସୁଛି ଆଉ ଖର୍ଚ୍ଚ ବି ହେଉଛି । ହେଲେ ଅବସ୍ଥାରେ ଆସୁନି ସୁଧାର। ଆବର୍ଜନା ନିଷ୍କାସନ ପାଇଁ ପୌରପରିଷଦ ପକ୍ଷରୁ 6ଟି ବ୍ୟାଟେରୀ ଚଳିତ ଗାଡି, 30 ଟ୍ରାଇ ସାଇକେଲ ଓ ଟ୍ରାକ୍ଟର ସହ 22 ଟି ୱାର୍ଡ ପାଇଁ 17 ଜଣ ସ୍ଵଚ୍ଛ ସାଥି,3 ସୁପର ଭାଇଜର ନିଯୁକ୍ତି ହୋଇଛନ୍ତି।