ଖୋର୍ଦ୍ଧା: ପାରିବାରିକ କଳହ ଓ ଆର୍ଥିକ ଅନଟନ ନେଲା ନବଦମ୍ପତିଙ୍କ ଜୀବନ । ଏଭଳି ଅଭାବନୀୟ ଘଟଣା ଘଟିଛି ଖୋର୍ଦ୍ଧା ଜିଲ୍ଲା ଚିଲିକା ବ୍ଲକ ନଇରି ଗାଁରେ । ମୃତ ଦମ୍ପତି ହେଲେ ନଇରି ଗାଁ ବଡ଼ସାହିର କୃଷ୍ଣଚନ୍ଦ୍ର ସାହୁଙ୍କ ପୁଅ ସନାତନ ସାହୁ(୨୦) ଏବଂ ବସନ୍ତପୁର(ବିଜିପୁର) ଗାଁର ବାଜିଆ ଜେନାଙ୍କ ଝିଅ ଶିବାନୀ ।
ଭିଡିଓ ସୌଜନ୍ୟ: ପ୍ରତିନିିଧି, ଖୋର୍ଦ୍ଧା
ସୂଚନାନୁସାରେ ଗତ ତିନି ମାସ ତଳେ ସନାତନ ଶିବାନୀଙ୍କୁ ପ୍ରେମ ବିବାହ କରି ନିଜ ଗାଁରେ ରହୁଥିଲେ । ମୁଲ ଲାଗି ପରିବାର ପ୍ରତିପୋଷଣ କରୁଥିବା ସନା ଗତ 4 ଦିନ ତଳେ ନିଜ ଘର ଛାଡ଼ି ନିକଟସ୍ଥ ପଞ୍ଚାୟତ ପଛ ଅଞ୍ଚଳରେ ଏକ ଘର ଭଡାରେ ନେଇ ଶିବାନୀ ସହ ରହୁଥିଲେ । ସନା ଘରେ ନଥିବାବେଳେ କୌଣସି କାରଣରୁ ଶିବାନୀ ଗୁରୁବାର ରାତି 10ଟାରେ ଘର ଓରାରେ ଶାଢିରେ ଆତ୍ମହତ୍ୟା କରିଥିଲା । ସେ ଘରେ ପହଞ୍ଚି ଶିବାନୀକୁ ଏଭଳି ଅବସ୍ଥାରେ ଦେଖି ତା' ମୃତଦେହକୁ ନିଜ ବଡ଼ସାହି ଘରକୁ ନେଇଥିଲା । ସେଠାରେ ସେ ଦୁଃଖରେ ଭାଙ୍ଗି ପଡ଼ି ନିଜେ ମଧ୍ୟ ସେହିଭଳି ରଶି ଦେଇ ଆତ୍ମହତ୍ୟା କରିଥିଲା ।