ଖୋର୍ଦ୍ଧା:ଜାତୀୟ ଦଳିତ ଆଦିବାସୀ ମହାସଂଘ ୩ ଦଫା ଦାବୀ ନେଇ ଜିଲ୍ଲାପାଳଙ୍କ କାର୍ଯ୍ୟଳୟ ଘେରାଉ କରିଛି । ଲଗାତର ଭାବେ ତହସିଲ, ବ୍ଲକ, ଥାନା ଗୁଡ଼ିକରେ ଅନୁସୂଚିତ ଜାତି ଓ ଜନଜାତି ମାନଙ୍କ ପ୍ରତି ଅବହେଳା ଓ ଅତ୍ୟାଚାର କରାଯାଉଥିବା ଅଭିଯୋଗ କରି ଏହି ଘେରାଉ କରାଯାଇଛି ।
ଜମି ହଡପ ଅଭିଯୋଗ, ଜିଲ୍ଲାପାଳଙ୍କ କାର୍ଯ୍ୟଳୟ ଘେରିଲା ଜାତୀୟ ଦଳିତ ଆଦିବାସୀ ମହାସଂଘ
ଭୁବନେଶ୍ଵର ତହସିଲ ଘାଟିକିଆ ମୌଜା ବାରମାଣିଆ ଗାଁର ୧୦ଟି ଦିନ ମଜୁରିଆ ଆଦିବାସୀ ପରିବାରଙ୍କ ୧ ଏକର ୨୦ ଡିସିମିଲ ଜମି ଜାଲିଆତି ହୋଇଥିବା ଅଭିଯୋଗ ହୋଇଛି । ଏହି ଜମିକୁ ବିନା ଅନୁମୋଦନରେ ସମଷ୍ଟି ବିଲଡ଼ରର ସ୍ଥିତପ୍ରଜ୍ଞା ନନ୍ଦ, ନିଶିଥ ନନ୍ଦ ଓ ସେମାନଙ୍କ ସହଯୋଗୀ ୨୦୦୬ ଏବଂ ୨୦୦୭-୦୮ରେ ପୂର୍ଣ୍ଣ କ୍ଷମତା ପତ୍ର ନେଇ ଜାଲ କାଗଜପତ୍ର କରି ଚଞ୍ଚକତା କରିଥିବା ଅଭିଯୋଗ ହୋଇଛି । ‘ସହର’ ଅନୁସୂଚିତ ଜନଜାତି ତାଲିକାଭୁକ୍ତ ହୋଇଥିବା ବେଳେ ସାଧାରଣ ବର୍ଗରେ ଆସୁଥିବା ‘ସଅର’ ଜାତିର ଲୋକେ ଜାଲିଆତି କରି ସେମାନଙ୍କ ଜମି ହଡ଼ପ କରିଥିବା ଅଭିଯୋଗ ହୋଇଛି ।