ଭୁନେଶ୍ବର: ଆରମ୍ଭ ହୋଇଯାଇଛି ପର୍ଯ୍ୟଟନ ଋତୁ । ଏବେ ରାଜ୍ୟର ବିଭିନ୍ନ ସ୍ଥାନରେ ପର୍ଯ୍ୟଟକଙ୍କ ଆଗମନ ଦେଖିବାକୁ ମିଳୁଛି । ଏହି ପ୍ରରିପେକ୍ଷୀରେ ନନ୍ଦନକାନନରେ ମଧ୍ୟ ପର୍ଯ୍ୟଟକଙ୍କ ଭିଡ ପରିଲିକ୍ଷିତ ହେଉଛି । ଯାହାକୁ ଦୃଷ୍ଟିରେ ରଖି ନନ୍ଦନକାନନ ପକ୍ଷରୁ ବ୍ୟାପକ ପ୍ରସ୍ତୁତି ଆରମ୍ଭ ହୋଇଯାଇଛି । ପୂର୍ବରୁ ପ୍ରତି ସୋମବାର ନନ୍ଦନକାନନର ପ୍ରାଣୀ ଓ ଉଦ୍ଭିଦ ଉଦ୍ୟାନ ବନ୍ଦ ରହୁଥିଲା । କିନ୍ତୁ ଏବେ ଭିଡକୁ ଦେଖି ଡିସେମ୍ବର ୨୫ ଓ ଜାନୁଆରୀ ୧ ତାରିଖ ଦିନ ସୋମବାର ପଡ଼ୁଥିବାରୁ ଉକ୍ତ ଦିନ ନନ୍ଦନକାନନ ଖୋଲା ରହିବା । ଏହାର ପରଦିନ ଅର୍ଥାତ ମଙ୍ଗଳବାର ଉଦ୍ୟାନ ବନ୍ଦ ରହିବା ନେଇ ନନ୍ଦନକାନନ ଉପନିର୍ଦ୍ଦେଶକଙ୍କ ପକ୍ଷରୁ ସୂଚନା ମିଳିଛି ।
ଏପଟେ ନୂଆ ବର୍ଷ ପୂର୍ବରୁ ନନ୍ଦନକାନନକୁ ଆସିଛି ନୂଆ ଅତିଥି । ନନ୍ଦନକାନନ ପ୍ରାଣୀ ଉଦ୍ୟାନକୁ ଆସିଲେ ୪ ନୂଆ ଅତିଥି ଆସିଛନ୍ତି । ପ୍ରଥମ ଥର ପାଇଁ ନନ୍ଦନକାନନକୁ ୨ଟି ୱାଲାବି ଓ ୨ଟି ଲିଭିଂଷ୍ଟୋନ ଟୁରାକୋ ଆସିଛନ୍ତି । ହାଇଦ୍ରାବାଦର ଏକ ଘରୋଇ ଫାର୍ମର ଏହି ୪ ନୂଆ ଜୀବଜନ୍ତୁଙ୍କୁ ଅଣାଯାଇଛି । ତେବେ ୨୯ ତାରିଖରେ ୪ ନୂଆ ଅତିଥିଙ୍କୁ ଦେଖିବାକୁ ପାଇବେ ପର୍ଯ୍ୟଟକ । ସେହିପରି ଅନ୍ୟପଟେ ବର୍ଷର ଶେଷ ସପ୍ତାହ ଓ ବର୍ଷର ପ୍ରଥମ ସପ୍ତାହ ଅଧିକ ଭିଡ଼ ହେବାକୁ ଦୃଷ୍ଟି ରଖି ନନ୍ଦନକାନନରେ ବ୍ୟାପକ ପ୍ରସ୍ତୁତି ଚାଲିଛି । ନନ୍ଦନକନନର ଉଭୟ ଉଦ୍ୟାନକୁ ବୁଲିବାକୁ ଆସୁଥିବା ପର୍ଯ୍ୟଟକ ଅନଲାଇନ କିମ୍ବା ହ୍ୱାଟସ୍ ଆପ୍ ମାଧ୍ୟମରେ ନନ୍ଦନକାନନ ପ୍ରବେଶ ଟିକେଟ କାଟିବାକୁ କର୍ତ୍ତୃପକ୍ଷ ସୂଚନା ଦେଇଛନ୍ତି । ଫଳରେ ପର୍ଯ୍ୟଟକ ଭିଡ଼ରେ ନଫସି ସହଜରେ ନନ୍ଦନକାନନ ବୁଲିବାର ଲାଭ ଉଠାଇ ପାରିବେ ।