ଭୁବନେଶ୍ବର: ଧାମନଗର ଉପନିର୍ବାଚନରେ ବିଜେପିର ବାଜିମାତ ପରେ ବିଭିନ୍ନ ମହଲରେ ବିଜେଡିକୁ ସମାଲୋଚନା କରାଯାଉଛି । ୨୦୦୯ ପରଠାରୁ କୌଣସି ଉପନିର୍ବାଚନରେ ହାରି ନଥିବା ଶାସକ ଦଳର ସମସ୍ତ ପ୍ରକାର ରଣନୀତି ଧାମନଗରରେ ଫେଲ ମାରିଛି । ଏହାକୁ ନେଇ ପ୍ରତିକ୍ରିୟା ରଖିଛି ନବ ନିର୍ମାଣ କୃଷକ ସଂଗଠନ (Naba Nirman Krushak Sangathan) । ଏକ ଅହଂକାର ଶାସନର ପତନ ହେଲା ବୋଲି କହିଛନ୍ତି ସଂଗଠନର ସଂଯୋଜକ ଶେଷଦେବ ନନ୍ଦ ।
ଧାମନଗର ଉପନିର୍ବାଚନରେ ବିଜେପି ପ୍ରାର୍ଥୀ ତଥା ଦିବଂଗତ ବିଧାୟକ ସ୍ବର୍ଗତ ବିଷ୍ଣୁ ସେଠୀଙ୍କ ପୁଅ ସୂର୍ଯ୍ୟବଂଶୀ ସୁରଜ ବିଜୟ ମୁକୁଟ ପିନ୍ଧିଛନ୍ତି । ଚଳିତ ଉପନିର୍ବାଚନ ଫଳାଫଳରେ ରାଜ୍ୟ ରାଜନୀତି ଇତିହାସରେ ପ୍ରଚଳିତ ଧାରାରେ ଏକ ବଡ ବ୍ୟତିକ୍ରମ ଦେଖିବାକୁ ମିଳିଛି । ୨୦୦୯ ମସିହା ପରେ ପ୍ରଥମ ଥର ଓ ୨୦୦୦ ମସିହା ପରେ ଶାସକ ବିଜେଡିକୁ ତୃତୀୟ ଥର ପାଇଁ ଉପନିର୍ବାଚନରେ ପରାଜୟର ସ୍ବାଦ ଚାଖିବାକୁ ପଡିଛି । ଏନେଇ ବିଭିନ୍ନ ମହଲରେ ଶାସକ ଦଳକୁ ସମାଲୋଚନାର ସାମ୍ନା କରିବାକୁ ପଡ଼ିଛି । ଏକ ଅହଂକାର ଶାସନର ପତନ ହେଲା ବୋଲି କହିଛନ୍ତି ନବ ନିର୍ମାଣ କୃଷକ ସଂଗଠନର ସଂଯୋଜକ ଶେଷଦେବ ନନ୍ଦ ।