ଭୁବନେଶ୍ବର: ଦିବଂଗତ ସ୍ୱାସ୍ଥ୍ୟମନ୍ତ୍ରୀ ନବକିଶୋର ଦାସଙ୍କ ହତ୍ୟା ସମ୍ପର୍କିତ ତଦନ୍ତକୁ ନେଇ ପ୍ରଶ୍ନ ଉଠାଇଛି ରାଜ୍ୟ ବିଜେପି । ଦଳୀୟ ନେତ୍ରୀ ଲେଖାଶ୍ରୀ ସାମନ୍ତ ସିଂହାର କହିଛନ୍ତି ରାଜ୍ୟ ସରକାରଙ୍କ କୌଣସି ନୈତିକତା ନାହିଁ ତଦନ୍ତ କରିବା ପାଇଁ । ଅତୀତରେ କ୍ରାଇମବ୍ରାଞ୍ଚ ରାଜ୍ୟ ସରକାରଙ୍କ ମୋହରା ହୋଇ କାମ କରିଆସିଛି । ବହୁ ଚର୍ଚ୍ଚିତ ନୟାଗଡ଼ର ପରି ହତ୍ୟାକାଣ୍ଡରେ ତଦନ୍ତ ଦାୟିତ୍ୱ ଅରୁଣ ବୋଥ୍ରାଙ୍କୁ ଦିଆଗଲା । ସେ ଏକ ଜାମୁକୋଳି ଗଛ କାହାଣୀ ଗପ କହି ମାମଲାକୁ ରଫାଦଫା କଲେ ।
ଦଳ ଅଭିଯୋଗ କରିଛି ନିକଟରେ ସେହି ସମାନ ଲୋକ ମମିତା ମେହେର ହତ୍ୟାକାଣ୍ଡରେ ଆଖୁ କିଆରୀ ଗପ ଶୁଣାଇ କେସକୁ ରଫାଦଫା କଲେ । ରାଜ୍ୟ ସରକାର ଯେତେବେଳେ ତଥ୍ୟକୁ ଲୁଚାଇବାକୁ ଅବା ଲିପାପୋତି କରିବାକୁ ଚାହାଁନ୍ତି, ଲିପାପୋତି ମାଷ୍ଟର, କନଫେସନ କିଙ୍ଗ କ୍ରାଇମବ୍ରାଞ୍ଚ ମୁଖ୍ୟଙ୍କୁ ଦାୟିତ୍ୱ ଦିଅନ୍ତି ।