ଭୁବନେଶ୍ବର: ଭୁବନେଶ୍ବର ସାଂସଦ ଅପରାଜିତା ଷଡଙ୍ଗୀ ଆଜି ଭୁବନେଶ୍ଵରରେ ପହଞ୍ଚିଛନ୍ତି । ତାଙ୍କୁ ବିପୁଳ ସମ୍ବର୍ଦ୍ଧନା ଜ୍ଞାପନ କରାଯାଇଛି । ଏହା ସହିତ ସେ ଏୟାରପୋର୍ଟରୁ ବାହାରି ଲିଙ୍ଗରାଜ ମହାପ୍ରଭୁଙ୍କ ଦର୍ଶନ କରିଥିଲେ । ତାପରେ ସେ ପ୍ରେସମିଟ୍ କରିଥିଲେ ।
ଲୋକମାନଙ୍କ ସମର୍ଥନ ମୋର ଆଶା ବାହାରେ ଥିଲା । ସମସ୍ତଙ୍କୁ ମୋର ଅନ୍ତରରୁ କୃତଜ୍ଞତା । ଇଣ୍ଟର ପାର୍ଲିଆମେଣ୍ଟାରୀ ୟୁନିଅନର ନିର୍ବାଚନ ଥିଲା। ଏଥିରେ ୧୭୮ ଦେଶର ପ୍ରତିନିଧି ଅଛନ୍ତି। ମତେ ଏଥିପାଇଁ ଯୋଗ୍ୟ ମନେକରିଥିବା କାରଣରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପାଖରେ ମୁଁ କୃତଜ୍ଞ । ମୋର ଏହି ବିଜୟ କୌଣସି ବ୍ୟକ୍ତିଗତ ବିଜୟ ନୁହେଁ, ଦେଶର ବିଜୟ । ଦୀର୍ଘ ବର୍ଷ ପରେ ଭାରତକୁ ଏଭଳି ସଫଳତା ମିଳିଛି । ପୂର୍ବରୁ ୨୦୦୨ ମସିହାରେ ଶେଷ ଥର ପାଇଁ ନଜମା ହେପତୁଲ୍ଲାଙ୍କୁ ଏହି ଗୌରବ ମିଳିଥିଲା । ପ୍ରଭୁ ଜଗନ୍ନାଥ ଓ ଲିଙ୍ଗରାଜ ଙ୍କ ବିନା ଏଭଳି ସୌଭାଗ୍ୟ ମତେ ମିଳିନଥାନ୍ତା । ତେଣୁ ସେମାନଙ୍କୁ କୋଟି କୋଟି ପ୍ରଣାମ ବୋଲି କହିଥିଲେ ଅପରାଜିତା ।