ଭୁବନେଶ୍ବର: ପିଏମ କିଷାନ ଯୋଜନାରେ କେନ୍ଦ୍ର ସରକାରଙ୍କୁ ରାଜ୍ୟ ସରକାର ଦ୍ବିତୀୟ ପର୍ଯ୍ୟାୟରେ 32 ଲକ୍ଷ 29 ହଜାର 203 ଜଣ ହିତାଧିକାରୀଙ୍କ ତାଲିକା ଦେଇଥିବା ଗୃହରେ ସ୍ପଷ୍ଟ କଲେ ମନ୍ତ୍ରୀ । ପୂର୍ବରୁ ପ୍ରଥମ ପର୍ଯ୍ୟାୟରେ 9 ଲକ୍ଷ 62 ହଜାର ଚାଷୀଙ୍କ ତାଲିକା ଦେଇଥିଲେ ରାଜ୍ୟ ସରକାର ।
ବୁଧବାର ଶୂନ୍ୟ କାଳରେ ବିରୋଧୀ ଦଳ ଉପନେତା ବିଷ୍ଣୁ ସେଠୀ ଏହି ପ୍ରସଙ୍ଗ ଉଠାଇବା ସହିତ ପ୍ରକୃତ ତଥ୍ୟ ଗୃହକୁ ଜଣାଇବା ପାଇଁ କହିଥିଲେ। ଶେଷରେ କୃଷି ବିଭାଗର ଖର୍ଚ୍ଚ ଦାବି ସଂକ୍ରାନ୍ତ ଆଲୋଚନା ବେଳେ ଏହି ତଥ୍ୟ ରଖିଛନ୍ତି ମନ୍ତ୍ରୀ । ବିଭାଗର ମୋଟ 8874କୋଟି 48ଲକ୍ଷ 54ହଜାର ଟଙ୍କାର ଖର୍ଚ୍ଚ ଦାବି ବିଧାନ ସଭାରେ ଗୃହୀତ ହୋଇଛି ।