ଭୁବନେଶ୍ବର: ଦିବଙ୍ଗତ ଓଡିଆ ମହିଳା ପର୍ବତାରୋହୀ କଳ୍ପନା ଦାସଙ୍କ ସ୍ମୃତିରେ ଆୟୋଜିତ ହୋଇଯାଇଛି ଅଲଟ୍ରା ମାରାଥନ । ଢେଙ୍କାନାଳ ମିନିଷ୍ଟାଡିୟମରୁ ଭୁବନେଶ୍ବର କଳିଙ୍ଗ ଷ୍ଟାଡିୟମ ପର୍ଯ୍ୟନ୍ତ ପ୍ରାୟ 66 କିଲୋମିଟର ରାସ୍ତାକୁ ସାଢେ 8 ଘଣ୍ଟାରେ ଅତିକ୍ରମ କରିଛନ୍ତି ଲେଡି ଅଲଟ୍ରା ମାରାଥନର ଦୀପ୍ତି ଦାସ ।
ଜୟଦେବ ବିହାର ଛକ ଠାରୁ କଳିଙ୍ଗ ଷ୍ଟାଡିୟମ ମାର୍ଗକୁ କଳ୍ପନା ଦାଶଙ୍କ ନାମରେ ନାମିତ କରିବାକୁ ଆୟୋଜିତ ଅଲଟ୍ରା ମାରାଥନ
ଜୟଦେବ ବିହାର ଛକ ଠାରୁ ଭୁବନେଶ୍ୱର କଳିଙ୍ଗ ଷ୍ଟାଡିୟମ ପର୍ଯ୍ୟନ୍ତ ଥିବା ରାସ୍ତାକୁ କଳ୍ପନା ଦାଶଙ୍କ ନାମରେ ନାମିତ କରାଯିବାକୁ ଦାବି ହେଉଛି । ଏଥିସହିତ ଚନ୍ଦ୍ରଶେଖରପୁର ଅଞ୍ଚଳରେ ଦିବଙ୍ଗତ ଓଡିଆ ମହିଳା ପର୍ବତାରୋହୀ କଳ୍ପନା ଦାସଙ୍କ ପ୍ରତିମୂର୍ତ୍ତି କରିବାକୁ ଦାବି ଦେଉଛି । ଏହି ଦାବି ପୂରଣ ପାଇଁ ରାଜ୍ୟ ସରକାରଙ୍କ ଦୃଷ୍ଟି ଆକର୍ଷଣ କରିବା ଉଦ୍ଦେଶ୍ୟରେ ମାରାଥନର ପରିକଳ୍ପନା କରାଯାଇଛି ।