ଖୋର୍ଦ୍ଧା :ରାତି ପହିଲେ ଖୋର୍ଦ୍ଧା ଜିଲ୍ଲା ବାଘମାରି ଅଟ୍ରିର ବାବା ହଟକେଶ୍ୱର ମହାଦେବଙ୍କ ନିକଟରେ ଅନୁଷ୍ଠିତ ହେବ ପ୍ରସିଦ୍ଧ ମକର ମେଳା । ଏଥିପାଇଁ ପ୍ରଶାସନ ପକ୍ଷରୁ ପ୍ରସ୍ତୁତି ଚୂଡାନ୍ତ ପର୍ଯ୍ୟାୟରେ ପହଞ୍ଚିଛି । ମକର ମେଳା ପାଇଁ ମନ୍ଦିର ପ୍ରଶାସନ ଓ ପୋଲିସ ପ୍ରଶାସନ ପକ୍ଷରୁ ବ୍ୟାପକ ବନ୍ଦୋବସ୍ତ ହୋଇଥିବା ଜଣାପଡିଛି । ଦୁଇବର୍ଷ ଧରି କୋରୋନା ପାଇଁ ମେଳା ମହୋତ୍ସବ ଉପରେ ରୋକ ଲାଗିଥିବା ବେଳେ ଚଳିତବର୍ଷ ହଟକେଶ୍ୱରଙ୍କ ଏହି ପ୍ରସିଦ୍ଧ ମକର ମେଳା ଅନୁଷ୍ଠିତ ହେବାକୁ ଯାଉଛି ।
ମକର ମେଳା ପାଇଁ ହଟକେଶ୍ୱରଙ୍କ ସ୍ୱତନ୍ତ୍ର ନୀତିକାନ୍ତି ଚୂଡାନ୍ତ ହୋଇଛି । ରୀତିନୀତି ଅନୁସାରେ ମାନସିକଧାରୀମାନେ ରାତି ପ୍ରାୟ 3ଟା ସମୟରୁ ମାନସିକ କରି ଗୁଆ ଖୋଜିବେ । ଏନେଇ ମାନସିକ କୁଣ୍ଡ ମଧ୍ୟ ପ୍ରସ୍ତୁତ କରି ରଖାଯାଇଛି । ସେହିପରି ମକର ସଂକ୍ରାନ୍ତିଠାରୁ ଅଟ୍ରି ଉଷ୍ମପ୍ରସବଣ ପରିସରରେ ଜିଲ୍ଲା ପ୍ରଶାସନ ଓ ସଂସ୍କୃତି ବିଭାଗ ପକ୍ଷରୁ ପାଞ୍ଚଦିନ ବ୍ୟାପି ମକର ମହୋତ୍ସବ ଅନୁଷ୍ଠିତ ହେବାକୁ ଥିବା ବେଳେ ପ୍ରସ୍ତୁତି ଚୂଡାନ୍ତ ପର୍ଯ୍ୟାୟରେ ପହଞ୍ଚିଥିବା ନେଇ ବେଗୁନିଆ ବିଧାୟକ ରାଜେନ୍ଦ୍ର କୁମାର ସାହୁ ସୂଚନା ଦେଇଛନ୍ତି ।
ଏହା ମଧ୍ୟ ପଢନ୍ତୁ: Lisa Marie Presley Passes Away: ୫୪ ବର୍ଷ ବୟସରେ ଗାୟିକା ଲିସା ମାରିଙ୍କ ଦେହାନ୍ତ