ମହିଳା ମହାସଂଘରେ ଅନିୟମିତତା, ଜିଲ୍ଲାପାଳଙ୍କୁ ଫେରାଦ ହେଲେ ମହିଳା ମଞ୍ଚ ସଭାନେତ୍ରୀ

ଖୋର୍ଦ୍ଧା ଜିଲ୍ଲାରେ ମଦର ଟେରେସା ମହିଳା ମହାସଂଘର ନିର୍ବାଚନରେ ବ୍ୟାପକ ଅନିୟମିତତା ବିପିଏମ ଏବଂ ବିଏଲସି କରିଥିବା ଅଭିଯୋଗ ଆସିଛି । ଏନେଇ ଜିଲ୍ଲାପାଳଙ୍କୁ ଅଭିଯୋଗ କରିଛନ୍ତି ଅଭିଯୋଗକାରୀ ।

ଖୋର୍ଦ୍ଧା : ଜିଲ୍ଲାର ଟାଙ୍ଗି ବ୍ଲକ ଲେଣ୍ଡୋ ପଞ୍ଚାୟତ ରାଧାମାଧବ ଆଞ୍ଚଳିକ ମହିଳା ମଞ୍ଚ ସଭାନେତ୍ରୀ ନିର୍ବାଚନରେ ଅନିୟମିତତା ନେଇ ଆଜି(ବୁଧାବର) ଖୋର୍ଦ୍ଧା ଜିଲ୍ଲାପାଳଙ୍କ ନିକଟରେ ଅଭିଯୋଗ ହୋଇଛି ।

ଅଭିଯୋଗକାରି ହରଷ ପ୍ରଧାନଙ୍କ ସୂଚନା ଅନୁସାରେ ଗତକାଲି ଉକ୍ତ ପଞ୍ଚାୟତର ମଦର ଟେରେସା ମହିଳା ମହାସଂଘର ନିର୍ବାଚନ ହୋଇଥିଲା । ମାତ୍ର ଉକ୍ତ ନିର୍ବାଚନରେ ବ୍ୟାପକ ଅନିୟମିତତା ବିପିଏମ ଏବଂ ବିଏଲସି କରିଥିବା ଅଭିଯୋଗ ଆଣିଛନ୍ତି ।

ଏହାର ତୁରନ୍ତ ତଦନ୍ତ କରି ନିର୍ବାଚନକୁ ଆସିଦ୍ଧ ଘୋଷଣା କରିବା ପାଇଁ ନିବେଦନ କରାଯାଇଛି । ଏହାସହ ସାତ ଦିନ ମଧ୍ୟରେ ଏହାର ବିଚାର କରାନଗଲେ ଆସନ୍ତା ମାସ 9 ତାରିଖରୁ ପଞ୍ଚାୟତ କାର୍ଯ୍ୟାଳୟ ସମ୍ମୁଖରେ ସମସ୍ତ ଆଞ୍ଚଳିକ ମଞ୍ଚର ସଦସ୍ୟା ମାନେ ଆନ୍ଦୋଳନ କରିବା ପାଇଁ ଧମକ ଦେଇଛନ୍ତି ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ