ଅବିଶ୍ବସନୀୟ: ବିନା ଭକ୍ତରେ ଚାଲିଛି ମା’ଙ୍କ ପୂଜା

ନା ଅଛନ୍ତି ଭକ୍ତ, ନା ମଣ୍ଡପରେ ରହିଛି ଚାକଚକ୍ୟ ଓ ପାର୍ବଣର ମାହୋଲ । ଖାଁ ଖାଁ ପୂଜା ପେଣ୍ଡାଲ । କେବଳ ବିଧି ବଞ୍ଚାଇବାକୁ ମା’ଙ୍କର ହୋଇଛି ପୂଜା । ଏଭଳି ଅକଳ୍ପନୀୟ, ଅବିଶ୍ବସନୀୟ ଦୃଶ୍ୟ ଖୋର୍ଦ୍ଧାର ବିଭିନ୍ନ ପୂଜା ମଣ୍ଡପରେ ଦେଖିବାକୁ ମିଳିଛି । ଅଧିକ ପଢନ୍ତୁ..

ଖୋର୍ଦ୍ଧା: ଧରାପୃଷ୍ଠକୁ ଅବତରଣ କରିଛନ୍ତି ମା' ଜଗତଜନନୀ । ମା' ଦୁର୍ଗାଙ୍କ ଆବାହନ ପାଇଁ ପୂରଠାରୁ ପଲ୍ଲୀ ପର୍ଯ୍ୟନ୍ତ ଚଳଚଞ୍ଚଳ ହୋଇ ଉଠିଛି। କୋରୋନା କଟକଣା ଯୋଗୁଁ ସବୁ ମଣ୍ଡପରେ ଖାଁ ଖାଁ ପରିସ୍ଥିତି ।

ଚଳିତବର୍ଷ ଖୋର୍ଦ୍ଧା ସହରର ୫ଟି ସ୍ଥାନରେ ମା’ଙ୍କର ମୃଣୟ ମୂର୍ତ୍ତି ପୂଜା ପାଉଛି। ମହାମାରୀ ସଂକ୍ରମଣ କୋରୋନା ଯୋଗୁଁ ଏଥର ପାର୍ବଣ ଉତ୍ସବ ଫିକା ପଡ଼ିଛି । କେବଳ ବିଧି ବଞ୍ଚାଇବା ପାଇଁ ପୀଠ ଓ ମଣ୍ଡପରେ ପୂଜା ଚାଲିଛି ବିନା ଭକ୍ତରେ । ବିଭିନ୍ନ ପୀଠରେ ମହାସପ୍ତମୀ, ଅଷ୍ଟମୀ ପୂଜା ବିନା ଭକ୍ତରେ କରାଯାଇଛି ।

ଷଷ୍ଠୀ ଅବସରରେ ବିଲ୍ୱବରଣ କରାଯାଇ ମାଆଙ୍କୁ ଆରାଧନା କରାଯାଇଛି । ହେଲେ କେବଳ କର୍ତ୍ତା, ପୂଜକ ଓ କିଛି କମିଟି ସଦସ୍ୟମାନେ କେବଳ ଯୋଗ ଦେଇଥିଲେ । ପୂଜାମଣ୍ଡପକୁ ସମ୍ପୂର୍ଣ୍ଣ ଆବଦ୍ଧ କରାଯାଇଛି । ଶ୍ରଦ୍ଧାଳୁଙ୍କୁ ଦେବୀ ଦର୍ଶନ ପାଇଁ ସଂପୂର୍ଣ୍ଣ ବାରଣ କରାଯାଇଛି ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ