ଖୋର୍ଦ୍ଧା:ଦିନକୁ ଦିନ ବଢିବାରେ ଲାଗିଛି ଛିନତାଇ ଓ ଲୁଟ ପରି ଘଟଣା । ଲୁଟେରାମାନେ ଚକମା ଦେଇ ପ୍ରଦିଦିନ କରୁଛନ୍ତି ଲୁଟ । ଖୋର୍ଦ୍ଧା ହଲଦୀପଦା ଗାଁରୁ ବାହାରୁ କବାଟ ଦେଇ ଲୁଟ କରିଛନ୍ତି ଲୁଟେରା । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ସୂଚନା ଅନୁସାରେ, ଗାଁର ବିରଞ୍ଚି ନାରାୟଣ ରାଉତରାୟଙ୍କ ଘରେ ବିଳମ୍ବିତ ରାତିରେ ଗ୍ରୀଲର ତାଲା ଭାଙ୍ଗି ଘରେ ପସିଥିଲେ ଲୁଟେରା । ଆଉ ଘରର କବାଟ ବାହାର ପଟୁ ବନ୍ଦ କରି ଲୁଟ କରିଥିଲେ ସୁନାଗହଣା ଓ ଟଙ୍କା । ଝିଅ ବାହାଘର ପାଇଁ ରଖିଥିବା ସୁନା ଅଳଙ୍କାର ସମେତ ନଗଦ 25,000 ଲୁଟ ହୋଇଥିବା ଅଭିଯୋଗ ହୋଇଛି । ଏନେଇ ଆଦର୍ଶ ଥାନାରେ ଅଭିଯୋଗ ହୋଇଛି । ପୋଲିସ ଏହାର ତଦନ୍ତ ଆରମ୍ଭ କରିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ