ଓଡିଶା

odisha

ETV Bharat / state

ବିଜେଡି ଛାତ୍ର ନେତାଙ୍କ ମୃତ୍ୟୁକୁ ନେଇ ଜାତୀୟ ରାଜପଥ ଅବରୋଧ - ବିଜେଡି ଛାତ୍ର ନେତାଙ୍କ ମୃତ୍ୟୁ

ଖୋର୍ଦ୍ଧା ବିଜେଡି ଛାତ୍ର ନେତା ଅବକାଶ ପାଇକରାୟ ମୃତ୍ୟୁ ଘଟଣାକୁ ନେଇ ଖୋର୍ଦ୍ଧା-ବଲାଙ୍ଗୀର 57 ନମ୍ବର ଜାତୀୟ ରାଜପଥ ଅବରୋଧ ହୋଇଛି ।

ବିଜେଡି ଛାତ୍ର ନେତାଙ୍କ ମୃତ୍ୟୁକୁ ନେଇ ଜାତୀୟ ରାଜପଥ ଅବରୋଧ

By

Published : Oct 14, 2019, 3:34 AM IST

ଖୋର୍ଦ୍ଧା: ବିଜେଡି ଛାତ୍ର ନେତା ଅବକାଶ ପାଇକରାୟ ମୃତ୍ୟୁ ଘଟଣାକୁ ନେଇ ଖୋର୍ଦ୍ଧା-ବଲାଙ୍ଗୀର 57 ନମ୍ବର ଜାତୀୟ ରାଜପଥ ଅବରୋଧ ହୋଇଛି । ବିନୋଦପଡା କଲେଜ ଛକ ଠାରେ ଶହଶହ ଛାତ୍ର, ଯୁବ ବିଜେଡି କର୍ମୀ ଏବଂ ସ୍ଥାନୀୟ ବାସିନ୍ଦା ରାସ୍ତାରୋକ କରିଛନ୍ତି ।

ଶନିବାର ବିଳମ୍ବିତ ରାତିରେ ଅବକାଶଙ୍କୁ ଭୁବନେଶ୍ବର ଭିଏସଏସନଗର ଠାରେ ହତ୍ୟା କରାଯାଇଥିଲା । ଏନେଇ ତାଙ୍କ ପରିବାର ପକ୍ଷରୁ ସହିଦନଗର ଥାନାରେ ଅଭିଯୋଗ ହୋଇଥିଲା । ତେବେ ପୋଲିସ ମୃତଦେହ ଜବତ କରି ତଦନ୍ତ ଚଳାଇଥିବା ବେଳେ ତାଙ୍କ ସହଯୋଗୀ ତଥା ରଣପୁର ବିଜେଡି ଯୁବ କର୍ମୀମାନେ ରାସ୍ତାରୋକ କରି ଅଭିଯୁକ୍ତଙ୍କୁ ଗିରଫ କରି ଘଟଣାର କ୍ରାଇମବ୍ରାଞ୍ଚ ତଦନ୍ତ ପାଇଁ ଦାବି କରିଛନ୍ତି ।

ବିଜେଡି ଛାତ୍ର ନେତାଙ୍କ ମୃତ୍ୟୁକୁ ନେଇ ଜାତୀୟ ରାଜପଥ ଅବରୋଧ

ଏଠାରେ ସୂଚନାଯୋଗ୍ୟ, ମୃତ ଅବକାଶ ଭିଏସଏସ ନଗରର ଜଣେ ଯୁବତୀଙ୍କୁ ପ୍ରେମ କରୁଥିଲେ । ତେବେ ଏହା ଏକ ପ୍ରେମଜନିତ ହତ୍ୟାକାଣ୍ଡ ବୋଲି ପରିବାର ପକ୍ଷରୁ ଅଭିଯୋଗ ହୋଇଛି । ମର ଶରୀର ବିନୋଦପଡାଠାରେ ପହଁଚିବା ପରେ ରାସ୍ତାରୋକ ହୋଇଥିଲା । ମୃତ ଅବକାଶଙ୍କ ଘର ରଣପୁର ଥାନା ଅଧିନ ନରେନ୍ଦ୍ରପୁର ଗାଁରେ ବୋଲି ଜଣାପଡ଼ିଛି । ସେ ନରେନ୍ଦ୍ରପୁର ପଞ୍ଚାୟତ ବିଜୁ ଯୁବବାହିନୀ ସଭାପତି ଏବଂ ରଣପୁର ନିର୍ବାଚନ ମଣ୍ଡଳୀର ଜଣେ ସକ୍ରିୟ ଯୁବ ନେତା ଥିଲେ । ସେ ରାଜ ସୁନାଖଳା କଲେଜର ଛାତ୍ର ସଂସଦ ସଭାପତି ମଧ୍ୟ ଥିଲେ । ତାଙ୍କ ବିୟୋଗରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳି ଯାଇଛି ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ

ABOUT THE AUTHOR

...view details