ଖୋର୍ଦ୍ଧା: ବଲାଙ୍ଗୀର 57 ନମ୍ବର ଜାତୀୟ ରାଜପଥ ସମ୍ପ୍ରସାରଣ କାର୍ଯ୍ୟର ଅହେତୁକ ବିଳମ୍ବ ହେଉଥିବା ଅଭିଯୋଗ ହୋଇଛି । ଏନେଇ ଆଜି(ରବିବାର) ରାଜସୁନାଖଳାର ସମସ୍ତ ବଣିକ ସଂଘ ଏବଂ ଅଞ୍ଚଳବାସୀ ଖୋର୍ଦ୍ଧା-ବଲାଙ୍ଗୀର 57 ତ୍ରିନାଥ ବଜାର ଠାରେ ରାସ୍ତା ଅବରୋଧ କରିଛନ୍ତି ।
ସରିପାରୁନି ସମ୍ପ୍ରସାରଣ କାମ, ରାସ୍ତା ଅବରୋଧ କଲେ ସ୍ଥାନୀୟ ବ୍ୟବସାୟୀ
ସୂଚନା ମୁତାବକ, ଖୋର୍ଦ୍ଧା ବଲାଙ୍ଗୀର 57 ନମ୍ବର ଜାତୀୟ ରାଜପଥ ସମ୍ପ୍ରସାରଣ କାର୍ଯ୍ୟ ଦୀର୍ଘ ଦିନ ଧରି କାର୍ଯ୍ୟ ଚାଲୁଛି । ମାତ୍ର 2 କିମି ବଜାର ମଧ୍ୟ ଦେଇ ଯାଇଥିବା ରାସ୍ତା କାର୍ଯ୍ୟକୁ ଶେଷ କରିବାପାଇଁ ବାରମ୍ବାର ବଜାର କମିଟି ତରଫରୁ ଅଭିଯୋଗ ହେଉଛି । ମାସ ମାସ ଧରି କାମକୁ ସମ୍ପୂର୍ଣ୍ଣ କରାଯାଉନି ଏବଂ ରାସ୍ତାରେ ପାଣି ମଧ୍ୟ ଛିଞ୍ଚା ଯାଉନି । ଏହି କାରଣରୁ ବଜାର ମଧ୍ୟରେ ଚାଲିବା କଷ୍ଟକର ହେଉଛି l