ଭୁବନେଶ୍ବର: ଜାଡ଼ରେ ଥରୁଛି ରାଜ୍ୟ । ଏହରେ ମଧ୍ୟରେ ପଶ୍ଚିମା ଝଡ ପ୍ରଭାବରେ ଆସନ୍ତାକାଲି(ମଙ୍ଗଳବାର )ଠୁ ରାଜ୍ୟ ରେ ହାଲୁକା ବର୍ଷା ହେବାର ସମ୍ଭାବନା ରହିଛି । ଦୁଇ ଦିନ ରାଜ୍ୟର ଅନେକ ସ୍ଥାନରେ ହାଲୁକାରୁ ମଧ୍ୟମ ଧରଣର ବର୍ଷା ହେବାର ସମ୍ଭାବନା ରହିଛି । ଗତ କିଛି ଦିନଧରି ରାଜ୍ୟର ବିଭିନ୍ନସ୍ଥାନରେ ଶୁଖିଲା ପାଗ ଥିବା ବେଳେ, ବିଭିନ୍ନସ୍ଥାନରେ କୁହଡ଼ି ଦେଖିବାକୁ ମିଳିଥିଲା । ଆଞ୍ଚଳିକ ପାଣିପାଗ ବିଭାଗ ନିର୍ଦ୍ଦେଶକ ଏଚ. ଆର୍ ବିଶ୍ବାସ କହିଛନ୍ତି, "ରାଜ୍ୟର ବିଭିନ୍ନ ସ୍ଥାନରେ ଶୀତର ପ୍ରଭାବ ଥିବା ବେଳେ କୋରାପୁଟ, କେନ୍ଦୁଝର, କନ୍ଧମାଳ ଭଳି ହିଲ୍ସ ଷ୍ଟେସନରେ ୨ ଡିଗ୍ରୀ ତଳେ ତାପମାତ୍ରା ରେକର୍ଡ କରାଯାଇଛି ।"
ଏଥିସହ ରାଜ୍ୟରେ ରାତ୍ରି ତାପମାତ୍ରା ସ୍ଵାଭାବିକଠାରୁ ୩ରୁ ୪ ଡିଗ୍ରୀ ଅଧିକ ରହିଛି । ଆଗାମୀ ୨୪ ଘଣ୍ଟାରେ ମଧ୍ୟରେ ବିଶେଷକରି ମୟୂରଭଞ୍ଜ, ବାଲେଶ୍ବର, କେନ୍ଦୁଝର, ଭଦ୍ରକ, ଯାଜପୁର, କେନ୍ଦ୍ରାପଡ଼ା , ଜଗତସିଂପୁର, ଢେଙ୍କାନଳ, ସୁନ୍ଦରଗଡ, କଟକ ଏବଂ ଯାଜପୁର ଜିଲ୍ଳାରେ ଗୋଟିଏରୁ ଦୁଇଟି ସ୍ଥାନରେ ହାଲୁକା ବର୍ଷା ଆଶଙ୍କା ରହିଥିବା ପାଣିପାଗ ବିଭାଗ ନିର୍ଦ୍ଦେଶକ । ଏଚ. ଆର୍ ବିଶ୍ବାସ କହିଛନ୍ତି । ଏହାସହ ୧୮ ଜାନୁଆରୀରେ ଉତ୍ତର ଓଡ଼ିଶାର କିଛି ସ୍ଥାନ ଯଥା ବାଲେଶ୍ବର, କେନ୍ଦୁଝର, ଭଦ୍ରକ, ମୟୂରଭଞ୍ଜ, କେନ୍ଦ୍ରାପଡ଼ା ଏବଂ ଯାଜପୁର ଜିଲ୍ଳାରେ ଗୋଟିଏରୁ ଦୁଇଟି ସ୍ଥାନରେ ହାଲୁକା ବର୍ଷା ହେବାର ସମ୍ଭାବନା ରହିଛି ।