ଖୋର୍ଦ୍ଧା: ଖୋର୍ଦ୍ଧା ଏଲଆଇସି ଏଜେଣ୍ଟ କବିରାଜ ବେହେରାଙ୍କ ଚାଲବାଜି । ଭୂତ ନାମରେ ବଣ୍ଡ କରି ଉଠାଇ ନେବାକୁ ପ୍ରୟାସ କରିଥିଲା କୋଟି କୋଟି ଟଙ୍କା । ଏହି ଖବର ଜାଣିବା ପରେ ଖୋର୍ଦ୍ଧା ଏଲଆଇସି ଅଧିକାରୀ ଜାଣିପାରି EOW ପାଖରେ ଅଭିଯୋଗ କରିଥିଲେ । ଅଭିଯୋଗ ପାଇ ଇଓଡବ୍ଲୁ କବିରାଜଙ୍କୁ ଗିରଫ କରିବା ସହ ଆଜି(ଗୁରୁବାର) ତାଙ୍କୁ ଖୋର୍ଦ୍ଧା କୋର୍ଟରେ ହାଜର କରାଯାଇଛି ।
ମୃତ ବ୍ୟକ୍ତିଙ୍କ ନାମରେ ବୀମା କରି ବନ୍ଧାହେଲେ ଏଲଆଇସି ଏଜେଣ୍ଟ
କବିରାଜ ମୃତ ଲୋକଙ୍କ ନାମରେ ଏଲଆଇସି ବୀମା କରି ନକଲି ମୃତ୍ୟୁ ପ୍ରମାଣପତ୍ର ପ୍ରସ୍ତୁତ କରି କୋଟି କୋଟି ଟଙ୍କା ଚୂନ ଲଗାଇବାକୁ କରୁଥିଲା ଯୋଜନା । ଖୋର୍ଦ୍ଧା ଏବଂ ପୁରୀ ଜିଲ୍ଲାର କିଛି ଅଞ୍ଚଳରେ ଚଳାଇଥିଲା ଏପରି କାରନାମା । ଅଭିଯୁକ୍ତ କବିରାଜ ୨୦୧୩ରୁ ୨୦୧୯ ମଧ୍ୟରେ ଏହି ଠକେଇ କରିଛନ୍ତି । ଚଞ୍ଚକତା କରି ୪ ଜଣ ମୃତ ବ୍ୟକ୍ତିଙ୍କ ନାଁରେ ସେ ୨୩ଟି ବୀମା କରିଥିଲେ ।