ଜଗବନ୍ଧୁଙ୍କୁ ଆହୁରି ୩ଦିନ ରିମାଣ୍ଡ, ଫରେନସିକ ତଥ୍ୟକୁ EDର ଅପେକ୍ଷା
ଭୁବନେଶ୍ବର: ବହୁ ଚର୍ଚ୍ଚିତ ଅର୍ଚ୍ଚନା ନାଗ ମାମଲା । ୨ୟ ଥର ପାଇଁ ଜଗବନ୍ଧୁଙ୍କୁ ରିମାଣ୍ଡରେ ନେଲା ଇଡି । ୩ଦିନିଆ ରିମାଣ୍ଡ ଅନୁମତି ମିଳିଥିବା ବେଳେ ଆସନ୍ତା ୨୬ ତାରିଖ ଯାଏଁ ଇଡିର ହେପାଜତରେ ରହିବେ ଜଗବନ୍ଧୁ ଚାନ୍ଦ । ଏନେଇ କୋର୍ଟଙ୍କ ପାଖରେ ୫ଦିନ ପାଇଁ ରିମାଣ୍ଡ ଆବେଦନ କରାଯାଇଥିଲା । ହେଲେ ୩ଦିନ ପାଇଁ ଅନୁମତି ଦେଇଛନ୍ତି କୋର୍ଟ ।
ଅର୍ଚ୍ଚନାଙ୍କଠାରୁ ଜବତ ମୋବାଇଲର ଡିଜିଟାଲ ତଥ୍ୟ ଫରେନସିକରୁ ଆସିବାର ଅଛି । ଯାହାକୁ ଆଧାର କରି ଇଡି ଜଗବନ୍ଧୁଙ୍କୁ ପଚରାଉଚରା କରିବାକୁ ଚାହୁଁଛି । କାରଣ ଅର୍ଚ୍ଚନାଙ୍କଠାରୁ ଜବତ ଇଲେକ୍ଟ୍ରୋନିକ ଗ୍ୟାଜେଟର ଡିଜିଟାଲ ଏଭିଡେନ୍ସ ପ୍ରାଥମିକ ରିପୋର୍ଟ ଆସିଛି । ହେଲେ ଅର୍ଚ୍ଚନାଙ୍କ ମୋବାଇଲର ଫରେନସିକ ରିପୋର୍ଟ ଏଯାଏ ଇଡିର ହସ୍ତକ୍ଷେପ ହୋଇନାହିଁ । ତେଣୁ ଦ୍ବିତୀୟ ପର୍ଯ୍ୟାୟରେ ଇଡିକୁ ଦେଵାକୁ ଥିବା ତଥ୍ୟରେ ହୁଏତ ଅର୍ଚ୍ଚନାର ମୋବାଇଲ ତଥ୍ୟ ମିଳିପାରେ । ଅର୍ଚ୍ଚନାଙ୍କ ମୋବାଇଲରେ ଆପତ୍ତିଜନକ ଭିଡିଓ ରହିଥିବା ନେଇ ପୋଲିସ ସିଜର ଲିଷ୍ଟରେ ଦର୍ଶାଇଥିଲା ।