ଖୋର୍ଦ୍ଧା: ଗତ କିଛିଦିନ ହେବ ଖୋର୍ଦ୍ଧା ଅଞ୍ଚଳରେ ନିଶା ମାଫିଆ ଏବଂ ବେଆଇନ ଖଣି କାରବାର ଉପରେ ଏସ୍ଟିଏଫ ଚଢ଼ାଉ ପରେ ଜିଲ୍ଲା ପୋଲିସ ଉପରକୁ ସାଧାରଣରେ ଆଙ୍ଗୁଳି ଉଠିଥିଲା । ତେବେ ପୋଲିସ ଗତ ସପ୍ତାହକ ମଧ୍ୟରେ ଅପରାଧ ଏବଂ ଅପରାଧୀଙ୍କୁ ଧରାଯାଇଥିବା ନେଇ ଏକ ସାମ୍ବାଦିକ ସମ୍ମିଳନୀରେ ଖୋର୍ଦ୍ଧା ଏସ୍ପି ସୂଚନା ଦେଇଛନ୍ତି ।
ଭିଡିଓ ସୌଜନ୍ୟ: ପ୍ରତିନିଧି, ଖୋର୍
ଗତ ସପ୍ତାହକ ମଧ୍ୟରେ ସମୁଦାୟ 22ଟି ବେଆଇନ ଗ୍ରେନେଡ ଓ ମାଙ୍କଡ଼ା ପଥର ଗାଡି ଜବତ କରିଥିବା ବେଳେ, 650ଲିଟର ଦେଶୀ ମଦ ଜବତ କରିଛି ପୋଲିସ । 5ଟି ବ୍ରାଉନସୁଗାର ମାମଲାରେ 6ଜଣ ଗିରଫ ହୋଇଥିବା ବେଳେ 52.410 ଗ୍ରାମ ବ୍ରାଉନସୁଗାର ଓ 4ଲକ୍ଷ 57ହଜାର 840 ଟଙ୍କା ଜବତ ହୋଇଛି । ସେହିପରି ମୋବାଇଲ ଚୋରି ଘଟଣାରେ 19ଟି ମୋବାଇଲ ଫୋନ ଜବତ ହେବା ସହ 2ଜଣଙ୍କୁ ଗିରଫ କରାଯାଇଛି । ଜାତୀୟ ରାଜପଥରେ ଡକାୟତି ଯୋଜନା କରୁଥିବା ସମୟରେ ପୋଲିସ ଚଢ଼ାଉ କରି 3ଜଣଙ୍କୁ ଗିରଫ କରିବା ସହ ସେମାନଙ୍କ ଠାରୁ 3ଟି ବୋମା, ଲୁହା ରଡ ଓ ଗୋଟିଏ ମୋଟର ସାଇକେଲ ଜବତ କରାଯାଇଛି ।