ଖୋର୍ଦ୍ଧା: ଶିଶୁରୋଗ ବିଶେଷଜ୍ଞ ମାନସଙ୍କୁ ମରଣାନ୍ତକ ଆକ୍ରମଣ ଘଟଣାଟି ଏବେ ବି ରହସ୍ୟମୟ । ପୋଲିସକୁ ଏବେବି ମିଳୁନି ସୁରାଗ । କିଏ ଏବଂ କାହିଁକି, କେଉଁ ଉଦ୍ଦେଶ୍ୟରେ ତାଙ୍କୁ ଆକ୍ରମଣ କରାଯାଇଥିଲା, ଏନେଇ ଲଗାତାର ତଦନ୍ତ ଜାରି ରଖିଛି ଖୋର୍ଦ୍ଧା ପୋଲିସ । ଘଟଣାସ୍ଥଳରେ ଆଇଜି ପହଞ୍ଚି 4ଟି ଟିମ ଗଠନ କରିଛନ୍ତି ।
ଖୋର୍ଦ୍ଧା ଡାକ୍ତରଙ୍କୁ ଗୁଳିକାଣ୍ଡ ଘଟଣା: ଚିକିତ୍ସାଧିନ ଅବସ୍ଥାରେ ଦୋକାନୀ ମୃତ
ଗୁଳିକାଣ୍ଡ ସମୟରେ କ୍ଲିନିକ କର୍ମଚାରୀମାନେ ଉପସ୍ଥିତ ଥିଲେ । ସେମାନେ ଘଟଣା ସମ୍ପର୍କରେ ପୋଲିସକୁ ସବିଶେଷ ତଥ୍ୟ ଦେଇଛନ୍ତି । ଜିଲା ପୋଲିସ ଘଟଣାକୁ ଗୁରୁତର ସହ ନେଇ 4ଟି ଟିମ ଗଠନ କରି ଭୁବନେଶ୍ବର, ବ୍ରହ୍ମପୁର, ନୟାଗଡ଼ ଏବଂ ଖୋର୍ଦ୍ଧାର ବିଭିନ୍ନ ସ୍ଥାନରେ ଚଢ଼ାଉ ଜାରି ରଖିଛି । ସେପଟେ ଘଟଣାସ୍ଥଳରେ ଆଇଜି ସୌମେନ୍ଦ୍ର ପ୍ରିୟଦର୍ଶୀ ପହଞ୍ଚି ସିସିଟିଭି ଫୁଟେଜ ଯାଞ୍ଚ କରିଛନ୍ତି । ଅପରାଧୀକୁ ଖୁବଶୀଘ୍ର ଧରାଯିବ ବୋଲି ଆଇଜି ଗଣମାଧ୍ୟମକୁ ସୂଚନା ଦେଇଛନ୍ତି ।