ଖୋର୍ଦ୍ଧା:କେନ୍ଦ୍ର ସମବାୟ ବ୍ୟାଙ୍କରେ ଲୋକଙ୍କ ଜମା ଟଙ୍କା ହଡପ ଘଟଣାରେ ୨ ଜଣ ବ୍ୟାଙ୍କ କର୍ମଚାରୀ ନିଲମ୍ବିତ । ଏଥିସହ ଜଣେ କର୍ମଚାରୀଙ୍କୁ ବହିଷ୍କୃତ କରାଯାଇଥିବା ସୂଚନା । ଅର୍ଥ ହଡପ ନେଇ ଅଭିଯୋଗ ପାଇବା ପରେ ଶାଖାରେ ପହଞ୍ଚି ତଦନ୍ତ ଆରମ୍ଭ କରିଥିଲେ ବ୍ୟାଙ୍କ CEO ଅନନ୍ତ କୁମାର ସାମଲ ।
ତଦନ୍ତରୁ ଲୋକଙ୍କ ଜମା ଟଙ୍କାକୁ ଆତ୍ମସାତ କରାଯାଇଥିବା ଜଣାପଡିବା ପରେ କାର୍ଯ୍ୟରତ ବ୍ୟାଙ୍କ ଆକାଉଣ୍ଟାଣ୍ଟ, କ୍ୟାସିଅରଙ୍କୁ ନିଲମ୍ବନ କରାଯିବା ସହ ଶାଖାରେ କାର୍ଯ୍ୟରତ ଠିକା କର୍ମଚାରୀଙ୍କୁ ବହିଷ୍କାର କରାଯାଇଥିବା କହିଛନ୍ତି ଖୋର୍ଦ୍ଧା କେନ୍ଦ୍ର ସମବାୟ ବ୍ୟାଙ୍କର CEO ।
ସେହିପରି ସମୁଦାୟ କେତେ ଜମାକାରୀଙ୍କ ଅର୍ଥ ଆତ୍ମସାତ କରିଛନ୍ତି ପୂର୍ବତନ ଆକାଉଣ୍ଟାଣ୍ଟ ଓ ଏଥିରେ ତାଙ୍କ ସହ ଅନ୍ୟକିଏ ସମ୍ପୃକ୍ତ ଅଛନ୍ତି ତାହାର ତଦନ୍ତ କରାଯାଇ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି CEO ।