ଖୋର୍ଦ୍ଧା:କ୍ୟାନ୍ସର ହସ୍ପିଟାଲ ପାଇଁ ଜମି ଅଧିଗ୍ରହଣ ହେଲା କିନ୍ତୁ ଲୋକଙ୍କୁ ମିଳିଲାନି ସଂପୂର୍ଣ୍ଣ କ୍ଷତିପୂରଣ । ଖୋର୍ଦ୍ଧା ଜିଲ୍ଲା ଯାଆଁଳା ପଞ୍ଚାୟତ ଅନ୍ତର୍ଗତ ହରପୁରଠାରେ ପ୍ରସ୍ତାବିତ କ୍ୟାନ୍ସର ହସ୍ପିଟାଲ ପାଇଁ ଲୋକଙ୍କଠାରୁ ନେଇଥିବା ଜମି ବାବଦକୁ ଟଙ୍କା ଦେଇନଥିବା ଅଭିଯୋଗ କରି ଜିଲ୍ଲପାଳଙ୍କ ଦ୍ବାରସ୍ଥ ହୋଇଛନ୍ତି ଗ୍ରାମବାସୀ ।
ଜମି ନେଇ କ୍ଷତିପୂରଣ ଦେଇନଥିବା ଅଭିଯୋଗ
ପ୍ରସ୍ତାବିତ କ୍ୟାନ୍ସର ହସ୍ପିଟାଲ ପାଇଁ ୪୪ଜଣ ଲୋକଙ୍କ ୮୮ ଏକର ଜମି ଅଧିଗ୍ରହଣ ପାଇଁ ଚିହ୍ନଟ ହୋଇଥିଲା । କିନ୍ତୁ ପ୍ରଥମେ ୪୦ ଏକର ଜାଗା ଅଧିଗ୍ରହଣ କରି ଲୋକଙ୍କୁ ସେମାନଙ୍କ ଜମି ବାବଦ ଅର୍ଥ ପ୍ରଦାନ କରିଥିବାବେଳେ, ଏବେ ଲୋକଙ୍କୁ ଟଙ୍କା ନଦେଇ ବାକି ୪୮ ଏକର ଜମିରେ ସଂସ୍ଥା କାମ ଆରମ୍ଭ କରିଛି । ଏହାକୁ ବିରୋଧ କରି ଆଜି ଜଟଣୀ ବିଧାୟକଙ୍କ ନେତୃତ୍ୱରେ ଟଙ୍କା ପାଇନଥିବା ଜମି ମାଲିକମାନେ ଜିଲ୍ଲାପାଳଙ୍କୁ ଭେଟି ଅଭିଯୋଗ କରିଛନ୍ତି ।