ଟ୍ରାକ୍ଟର ଓଲଟି ଯୁବକ ମୃତ

ଟ୍ରାକ୍ଟର ଓଲଟି ଯୁବକଙ୍କ ମୃତ୍ୟୁ । ବନ୍ଧ ଉପରେ ମାଟି ବୋଝେଇ ଟ୍ରାକ୍ଟର ନେଇ ଯାଉଥିବା ବେଳେ ଗାଡିଟି ହଠାତ୍ ଓଲଟି ପଡିଥିଲା । ଫଳରେ ଟ୍ରାକ୍ଟର ତଳେ ଚାପି ହୋଇ ପ୍ରାଣ ହରାଇଛନ୍ତି ଯୁବକ ।ଅଧିକ ପଢନ୍ତୁ...

ଖୋର୍ଦ୍ଧା:ଟ୍ରାକ୍ଟର ଓଲଟି ଯୁବକଙ୍କ ମୃତ୍ୟୁ ଘଟିଛି । ଏଭଳି ଅଭାବନୀୟ ଘଟଣା ଘଟିଛି ଖୋର୍ଦ୍ଧା ଜିଲ୍ଲା ସିଂହପୁର ଗାଁରେ । ଗାଁର ପ୍ରଭାତ ପରିଡାଙ୍କ ପୁଅ ମନୋଜ ଆରଗୁଡା ବନ୍ଧ ଉପରେ ମାଟି ବୋଝେଇ ଟ୍ରାକ୍ଟର ନେଇ ଯାଉଥିବା ବେଳେ ଗାଡିଟି ହଠାତ୍ ଓଲଟି ପଡିଥିଲା । ଫଳରେ ଟ୍ରାକ୍ଟର ତଳେ ଚାପି ହୋଇ ପ୍ରାଣ ହରାଇ ଥିଲେ ଯୁବକ। ଟ୍ରାକ୍ଟରଟି ସେହି ଗାଁର ଜିତେନ୍ଦ୍ରଙ୍କର ହୋଇଥିବା ବେଳେ ଗାଡିରେ ଚୋରା ମାଟି ଚାଲଣ କରୁଥିବା ଜଣାପଡିଛି ।

ଘଟଣାସ୍ଥଳରେ ବୈଦେଶ୍ବର ପୋଲିସ ପହଁଞ୍ଚି ମୃତଦେହକୁ ଉଦ୍ଧାର କରି ତଦନ୍ତ ଜାରି ରଖିଛି ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଈଟିଭି ଭାରତ