ଭୁବନେଶ୍ବର: ସରିଛି କର୍ଣ୍ଣାଟକର ସାଧାରଣ ନିର୍ବାଚନ । କର୍ଣ୍ଣାଟକର ଫଳାଫଳ ଉପରେ ରହିଛି ସାରା ଦେଶର ନଜର । କର୍ଣ୍ଣାଟକ ଜନାଦେଶ ଦର୍ଶାଇବ ଦେଶର ମୁଡ । ବିଜେପି ସରକାରକୁ ଫେରିବା ନା କଂଗ୍ରେସ କମବ୍ୟାକ କରିବ ତାହା ଆସନ୍ତା ଦିନରେ ଜଣାପଡିବା । କଂଗ୍ରେସ କର୍ଣ୍ଣାଟକରେ ସରକାର ଗଢ଼ିବ ବୋଲି କହିଛନ୍ତି କଂଗ୍ରେସ ବିଧାୟକ । ତେବେ କର୍ଣ୍ଣାଟକ ଫଳାଫଳର ପ୍ରଭାବ ଓଡିଶାରେ ପଡିବ ନାହିଁ ବୋଲି କହିଛନ୍ତି ବରିଷ୍ଠ ବିଜେଡି ନେତ୍ରୀ ପ୍ରମିଳା ମଲ୍ଲିକ ।
ଏହାବି ପଢନ୍ତୁ- '୨୦୨୪ ନିର୍ବାଚନରେ ଗୋଟିଏ ସରଳରେଖାରେ ଥିବେ ନରେନ୍ଦ୍ର, ନବୀନ ଓ ନୀତିଶ'
କଂଗ୍ରେସ ବିଧାୟକ ତାରା ପ୍ରସାଦ ବାହିନୀପତି କହିଛନ୍ତି ଯେ, କର୍ଣ୍ଣାଟକରେ କଂଗ୍ରେସ ସରକାର କରିବା ସୁନିଶ୍ଚିତ । Exit ପୋଲ ଠାରୁ ଅଧିକ ଭୋଟ ସେଠାରେ କଂଗ୍ରେସ ପାଇବ । ଶିବକୁମାରଙ୍କ ନେତୃତ୍ୱରେ ନିଶ୍ଚୟ ସରକାର ଗଠନ ହେବ । ବିଜେପିର ଆଛେ ଦିନ ଓ ପ୍ରଧାନମନ୍ତ୍ରୀଙ୍କ ମନ କି ବାତ ବୁଝିଗଲେଣି । ଆଛେ ଦିନର ଅର୍ଥ ହେଉଛି ତେଲ ଲିଟର ଶହେ ଟଙ୍କା । ଗ୍ୟାସ ସିଲିଣ୍ଡର 1400 ଟଙ୍କା । ଲୋକଙ୍କୁ ବୁଝେଇବା ଦରକାର ନାହିଁ । ଲୋକେ ଆପେ ଆପେ ବୁଝିଗଲେଣି ।