ଖୋର୍ଦ୍ଧାରେ ଜୁଆ ଆଡ୍ଡା ଉପରେ ଚଢ଼ାଉ 6 ଗିରଫ
ଖୋର୍ଦ୍ଧାରେ ଜୁଆ ଆଡ୍ଡା ଉପରେ ଚଢ଼ାଉ: ନଗଦ ଟଙ୍କା ସହ ବାଇକ ଜବତ
19:53 May 02
ଖୋର୍ଦ୍ଧାରେ ଜୁଆ ଆଡ୍ଡା ଉପରେ ଚଢ଼ାଉ
ଖୋର୍ଦ୍ଧା: ଜୁଆ ଆଡ୍ଡା ଉପରେ ଚଢ଼ାଉ । ନଗଦ ଟଙ୍କା ସହ ବାଇକ ଜବତ । ଲକଡାଉନ ଚାଲିଥିବା ବେଳେ କମିଶନରେଟ ପୋଲିସ ଏରିଆରେ ଜମିଥିଲା ଜୁଆ ଖେଳ । ଆଉ ଏତିକିବେଳେ ଚଢାଉକରି ଛଅ ଜଣ ଜୁଆଡିଙ୍କୁ ଗିରଫ କରିଛି ଜଟଣୀ କମିଶନରେଟ ପୋଲିସ ।
ସୂଚନା ଅନୁଯାୟୀ ଖୋର୍ଦ୍ଧା ଜିଲ୍ଲା ଜଟଣୀ ଥାନା ଅନ୍ତର୍ଗତ ବିଡିଏ କଲୋନୀରେ ଥିବା ଏକ ଖୋଲା ଘରେ ଜମିଥିଲା ଜୁଆ ଆଡ୍ଡା । ବିଶ୍ୱସ୍ତ ସୁତ୍ରରୁ ଖବର ପାଇ ଜଟଣୀ ପୋଲିସ ଚଢ଼ାଉ କରି ଛଅ ଜଣ ଜୁଆଡିଙ୍କୁ ସେଠାରୁ ଗିରଫ କରିବା ସହ ସେମାନଙ୍କ ଠାରୁ ନଗଦ 75 ହଜାର ଟଙ୍କା, 6 ଟି ମଟରସାଇକେଲ ଓ 6 ଟି ମୋବାଇଲ ଫୋନ ଜବତ କରିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
Last Updated : May 2, 2020, 8:30 PM IST