ଭୁବନେଶ୍ବର:ଭାରତୀୟ ରେଳବାଇ କ୍ୟାଟରିଙ୍ଗ ଆଣ୍ଡ ଟୁରିଜିମ କର୍ପୋରେସନ ପକ୍ଷରୁ ଭାରତ ଗୌରବ ଟ୍ରେନ ମାଧ୍ୟମରେ ଶ୍ରୀ ଜଗନ୍ନାଥ ଯାତ୍ରା ରେଳ ଟୁର୍ ପ୍ୟାକେଜ କରିଛି (Indian railway special trip to sri Jagannath dham) । ଭାରତ ଗୌରବ ଟ୍ରେନ ଯୋଜନା ଅଧୀନରେ ରେଳ ଟୁରିଜିମକୁ ପ୍ରୋତ୍ସାହନ ପାଇଁ ଭାରତୀୟ ରେଳ 33% ରିହାତି ଦେଉଛି । ଓଡ଼ିଶାର ବିଶାଳ ସଂସ୍କୃତି ଓ ଐତିହ୍ୟକୁ ଜାଣିବା ପାଇଁ ତୀର୍ଥଯାତ୍ରୀମାନଙ୍କୁ ସୁଯୋଗ ଦିଆଯାଉଛି ।
ଭାରତୀୟ ରେଳବାଇ ଦିଲ୍ଲୀରୁ ଜାନୁଆରୀ 25 ତାରିଖ ଠାରୁ ଆରମ୍ଭ କରି ଫେବୃଆରୀ 1 ତାରିଖ ଦୀର୍ଘ 8 ଦିନ ପାଇଁ ଆଇଆରସିଟିସି ମାଧ୍ୟମରେ ଭାରତ ଗୌରବ ଟ୍ରେନ ଶୀତତାପ ନିୟନ୍ତ୍ରିତ ଟୁରିଷ୍ଟ ଟ୍ରେନ ପ୍ୟାକେଜ ଯୋଗାଇ ଦେଉଛି । 8 ଦିନ ଯାତ୍ରା ପରେ ଫେବୃଆରୀ 1, 2023ରେ ଦିଲ୍ଲୀକୁ ଫେରିବ । ଏଥିରେ ପ୍ରତି ବ୍ୟକ୍ତି ପିଛା 17500 ଟଙ୍କାରୁ ଆରମ୍ଭ କରି ସ୍ୱଳ୍ପ ମୂଲ୍ୟ ସୀମା ମଧ୍ୟରେ ପ୍ୟାକେଜ ପ୍ରଦାନ କରାଯାଉଛି ।
ପୁରୀର ବିଶ୍ଵପ୍ରସିଦ୍ଧ ଜଗନ୍ନାଥ ମନ୍ଦିର ପରିଦର୍ଶନ ମୁଖ୍ୟ ଆକର୍ଷଣ ହେବ । କୋଣାର୍କ, ଭୁବନେଶ୍ବର, କାଶୀ, ବୈଦ୍ୟନାଥ ଏବଂ ଗୟା ଦର୍ଶନ ମଧ୍ୟ ଟୁର ପ୍ୟାକେଜର ଅଂଶ ରହିବ । 11ଟି ଏସି –3 ଟାୟାର କୋଚରେ ପ୍ରାୟ 600 ତୀର୍ଥଯାତ୍ରୀଙ୍କୁ ନେଇ ପରିଭ୍ରମଣ କରିବ ।ପର୍ଯ୍ୟଟକମାନେ ଗାଜିଆବାଦ, ଆଲିଗଡ, ତୁଣ୍ଡଲା, ଇଟାୱା, କାନପୁର, ଲକ୍ଷ୍ନୌ ଷ୍ଟେସନ ମାନଙ୍କ ଠାରୁ ସେମାନଙ୍କର ଯାତ୍ରା ପ୍ରାରମ୍ଭ କରିପାରିବେ । ପର୍ଯ୍ୟଟକମାନଙ୍କୁ ଯାତ୍ରା ସମୟରେ ଶାକାହାରି ଖାଦ୍ୟ ପ୍ରଦାନ କରାଯିବ । ଏଥିପାଇଁ ସୁସଜ୍ଜିତ ପ୍ୟାନ୍ଟ୍ରି କାରର ବ୍ୟବସ୍ଥା କରାଯାଇଛି । ପର୍ଯ୍ୟଟକଙ୍କ ପାଇଁ ସ୍ୱଚ୍ଛ ଶୌଚାଳୟ ଠାରୁ ଆରମ୍ଭ କରି ସିସିଟିଭି କ୍ୟାମେରା ଲଗାଯାଇଛି ।