ଖୋର୍ଦ୍ଧା: ଚୋରା ଅଟୋରେ ନକଲି ମଦ କାରବାର । ତାହା ପୁଣି ଶହେ କି ଦୁଇ ଶହ ଲିଟର ନୁହେଁ ପାଖାପାଖି ଏକ ହଜାର ଲିଟର । ସୋମବାର ବିଳମ୍ବିତ ରାତିରେ ନକଲି ମଦ କାରବାର ବେଳେ ଚାନ୍ଦପୁର ପୋଲିସ ଚଢ଼ାଉ କରି ନକଲି ମଦ ଜବତ କରିବା ସହ ଏକ ମାଲ ବୋଝେଇ ଚୋରା ଅଟୋ ରିକ୍ସାକୁ ମଧ୍ୟ ଜବତ କରିଛି ।
ଚୋରା ଅଟୋରୁ ବିପୁଳ ପରିମାଣର ନକଲି ମଦ ଜବତ
ଚାନ୍ଦପୁରରୁ ଚୋରା ନକଲି ମଦ ଚାଲାଣ ହେଉଥିବାର ଖବର ପାଇ ଚାନ୍ଦପୁର ପୋଲିସ ଚଢାଉ କରିଥିଲା । ଚାନ୍ଦପୁର ଥାନା ନିକଟରୁ ପ୍ରାୟ ୨୦୦ ମିଟର ଦୂର କନ୍ଧ ନୟାଗଡ ଛକ ନିକଟରୁ ପୋଲିସକୁ ଦେଖି ଅଟୋ ଚାଳକ ଅଟୋକୁ ଛାଡି ଫେରାର ହୋଇଯାଇଥିଲା ।