ଖୋର୍ଦ୍ଧା : ଜିଲ୍ଲା ଟାଙ୍ଗୀ ଥାନା ୧୬ ନଂ ଜାତୀୟ ରାଜପଥ ଦୀକ୍ଷିତପଡା ଛକରେ ବାଇକ୍ ଦୁର୍ଘଟଣା ଘଟି ଦମ୍ପତି ମୃତ। ମୃତ ଦମ୍ପତି ହେଲେ ଟାଙ୍ଗୀ ଥାନା ସୋରଣ ପଞ୍ଚାୟତ ବଡଡିହ ଗ୍ରାମର ହୁଲ୍ଲାସ ଚନ୍ଦ୍ର ସାହୁ (୫୩) ଓ ମମତା ସାହୁ (୫୦) । ଦମ୍ପତି ବାଇକରେ ବାଲୁଗାଁରୁ ଟାଙ୍ଗୀ ଆସୁଥିବା ବେଳେ ଦୀକ୍ଷିତପଡା ଛକରେ ଏହି ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଥିଲା।
ବିଦ୍ୟୁତ୍ ଖୁଣ୍ଟ ବୋଝେଇ ଏକ ଟ୍ରକ୍ ଦକ୍ଷିଣରୁ ଅପରପାର୍ଶ୍ୱକୁ ଅତିକ୍ରମ କରୁଥିବା ବେଳେ ବାଇକଟି ଟ୍ରକ ପଛ ଭାଗରେ ଥିଲା। ହେଲେ ଚାଳକଙ୍କ ଅସାବଧାନତା ଯୋଗୁଁ ଏକ ବିଦ୍ୟୁତ୍ ଖୁଣ୍ଟରେ ବାଇକ ସହ ପିଟି ହୋଇଥିଲେ ଦମ୍ପତି। ଏହି ଘଟଣା ପରେ ପତି ପତ୍ନୀ ଉଭୟ ଗୁରୁତର ହୋଇ ପଡିଥିଲେ । ଏହାଦେଖି ସ୍ଥାନୀୟ ଲୋକେ ତୁରନ୍ତ ଘଟଣାସ୍ଥଳରେ ପହଞ୍ଚି ଆହତଙ୍କୁ ଉଦ୍ଧାର କରିଥିଲେ।