ବେଗୁନିଆରୁ ବିପୁଳ ପରିମାଣର ବିସ୍ଫୋରକ ଜବତ, ଜଣେ ଗିରଫ

ବେଗୁନିଆ ବ୍ଲକର ଲେଖନପୁର ଗାଁରେ ବେଆଇନ ଭାବେ ବିସ୍ଫୋରକ ସାମଗ୍ରୀ ପ୍ରସ୍ତୁତ ବେଳେ ଜବତ କରିବା ସହ ଜଣଙ୍କୁ ଗିରଫ କରିଛି ପୋଲିସ । ଅଧିକ ପଢନ୍ତୁ...

ଖୋର୍ଦ୍ଧା: ବେଗୁନିଆ ବ୍ଲକ କଣ୍ଟାବାଡ ମକୁନ୍ଦପୁର ଗାଁରେ ଦିନକ ପୂର୍ବରୁ ବାଣ ବିସ୍ଫୋରଣ ଘଟିଛି । ଉକ୍ତ ଗାଁରେ ବେଆଇନ ଭାବେ ବାଣ ତିଆରି ହେଉଥିଲେ ମଧ୍ୟ ଏଥିପ୍ରତି ପ୍ରଶାସନର ଦୃଷ୍ଟି ପଡୁନଥିଲା । ତେବେ ମକୁନ୍ଦପୁର ଗାଁରେ ବିସ୍ଫୋରଣ ପରେ ପ୍ରଶାସନ ତତ୍ପର ହୋଇଉଠିଛି ।

ଅନ୍ୟପଟେ ବାଘମାରୀ ପୋଲିସ ବେଗୁନିଆ ବ୍ଲକର ଲେଖନପୁର ଗାଁରେ ଚଢାଉ କରି ବିପୁଳ ପରିମାଣର ବିସ୍ଫୋରକ ସହ ବାଣ ଜବତ କରି ଜଣକୁ ଗିରଫ କରିଛି । ଗିରଫ ଅଭିଯୁକ୍ତ ଜଣକ ଉକ୍ତ ଗ୍ରାମର ଲକ୍ଷ୍ମୀଧର ସାମଲ ବୋଲି ବାଘମାରି ପୋଲିସ ସୂଚନା ଦେଇଛି ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ