ଖୋର୍ଦ୍ଧା: ଜିଲ୍ଲାର ବେଗୁନିଆ ଥାନା ଦେଉଳି ଗ୍ରାମ ପଞ୍ଚାୟତ ଗୋଡା କାଜୁ ଜଙ୍ଗଲରେ ମିଳିଛି ଯୁବକଙ୍କ ଝୁଲନ୍ତା ମୃତଦେହ । ମୃତ ଯୁବକ ଜଣକ ସାମନ୍ତରାପୁର ଗ୍ରାମର ବିଜୟ ମାଝୀଙ୍କ ପୁଅ ଉପେନ୍ଦ୍ର କୁମାର ପାଇକରାୟ (୨୪) ବୋଲି ଜଣାପଡିଛି।
କାଜୁ ଜଙ୍ଗଲରୁ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର
ମୃତ ଯୁବକଙ୍କ ପରିବାର ପକ୍ଷରୁ ମିଳିଥିବା ସୂଚନା ଅନୁସାରେ ଦୁଇଦିନ ଦିନ ପୂର୍ବରୁ ଉପେନ୍ଦ୍ର ସେଲୁନକୁ ଯାଉଛି କହି ଘରୁ ଯାଇଥିଲେ । କିନ୍ତୁ ସେ ଆଉ ଫେରିନଥିଲା । ଫଳରେ ପରିବାର ପକ୍ଷରୁ ଗତକାଲି ବେଗୁନିଆ ଥାନାରେ ଅଭିଯୋଗ କରାଯାଇଥିଲା । ଗତକାଲି ସନ୍ଧ୍ୟାରେ ଗାଁ କାଜୁଜଙ୍ଗଲରେ ପୁଅର ଗାଡି ପଡିଥିବା ଖବର ପାଇ ପରିବାର ଲୋକେ ଖୋଜାଖୋଜି କରିଥିବା ସମୟରେ ଗଛରେ ଝୁଲନ୍ତା ଅବସ୍ଥାରେ ପୁଅର ମୃତ ଦେହ ଦେଖିବାକୁ ପାଇଥିଲେ ।