Clean Air Day: ଆଜି ଇ-ବସ ଓ ଇ-ରିକ୍ସାରେ ମାଗଣା ଯାତ୍ରା କରନ୍ତୁ

ସ୍ୱଚ୍ଛ ବାୟୁ ଦିବସ ଅବସରରେ ଭୁବନେଶ୍ବରରେ ଇ ବସ ଓ ଇ ରିକ୍ସାରେ ମାଗଣା ସେବା । ବିନା ଦେୟରେ ଯାତ୍ରା କରୁଛନ୍ତି ଯାତ୍ରୀ । ଅଧିକ ପଢନ୍ତୁ

ଭୁବନେଶ୍ବର:ଆଜି ରାଜଧାନୀରେ ଯୁଆଡେ ଚାହିଁବେ ସିଆଡେ ମାଗଣାରେ ଯାତ୍ରା କରିପାରିବେ ଯାତ୍ରୀ । ଇ-ବସ ଓ ଇ-ରିକ୍ସାରେ ଯାତାୟତ କରିବାକୁ ମାଗଣାରେ ସେବା ଯୋଗାଇ ଦିଆଯାଇଛି । ସ୍ୱଚ୍ଛ ବାୟୁ ଦିବସ ଅବସରରେ ପ୍ରଦୂଷଣ କମାଇବା ଲକ୍ଷ୍ୟ ନେଇ ବିଏମସି ପକ୍ଷରୁ ଏପରି ପଦକ୍ଷେପ ଗ୍ରହଣ କରାଯାଇଛି । ଆଜି ଗୋଟେ ଦିନ ପାଇଁ ସମ୍ପୂର୍ଣ୍ଣ ମାଗଣାରେ ଯାତ୍ରା କରିପାରିବେ ଯାତ୍ରୀ । ଭୁବନେଶ୍ୱରରେ କ୍ରୁଟ ପକ୍ଷରୁ ଗଡୁଥିବା ୫୦ ଟି ମୋ ଇ- ବସ ଓ ୫୦ ଇ-ରିକ୍ସାରେ ମାଗଣା ଯାତ୍ରା ଆରମ୍ଭ ହୋଇଛି ।

ଭୁବନେଶ୍ୱର ସହର ମଧ୍ୟରେ ୧୦ଟି ରୁଟରେ ଚାଲୁଛି ଇଲେକ୍ଟ୍ରି ଭେଇକିଲ । ସ୍ୱଚ୍ଛ ବାୟୁ ଦିବସ ଅବସରରେ ପ୍ରଦୂଷଣ କମାଇବା ଲକ୍ଷ୍ୟ ଏପରି ନିଷ୍ପତ୍ତି ନେଇଛି ବିଏମସି ଓ ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ । ସ୍ୱଚ୍ଛ ବାୟୁ ଦିବସରେ ପରିବେଶକୁ ସ୍ୱଚ୍ଛ ଓ ପ୍ରଦୂଷଣରୁ ରୋକିବା ପାଇଁ ଭୁବନେଶ୍ଵରରେ ବିଏମସି ଏ ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡର ମିଳିତ ସହ ଯୋଗରେ ପଦଯାତ୍ରା ମଧ୍ୟ ଅନୁଷ୍ଠିତ ହୋଇଛି ।

ଆଜି ଗୋଟିଏ ଦିନ ମାଗଣରେ ବିଦ୍ୟୁତ ଚାଳିତ ବସ ଓ ରିକ୍ସାରେ ଯାତ୍ରା କରି ପରିବେଶକୁ ସବୁଜ ଓ ସୁରକ୍ଷିତ ରଖିବାକୁ ଯାତ୍ରୀ ମାନଙ୍କୁ ନିବେଦନ କରାଯାଇଛି । 2022 ଜୁଲାଇ ମାସରେ ରାଜଧାନୀରେ ଆରମ୍ଭ ହୋଇଥିଲା ଇ-ବସ ଓ ଇ-ରିକ୍ସା ସେବା । ପ୍ରଦୂଷଣ ରୋକିବା ପାଇଁ ଏହି ସେବା ଆରମ୍ଭ ହୋଇଥିବା ବେଳେ ଯାତାୟତ ପାଇଁ ଏହାର ମୂଲ୍ୟ ମଧ୍ୟ କମ ରହିଛି । ପ୍ରଥମ ପର୍ଯାୟରେ 10ଟି ଇ-ବସ ସମେତ 50 ଟି ଇ-ରିକ୍ସାର ଶୁଭାରମ୍ଭ କରିଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହା ଦ୍ବାରା ସ୍ବଳ୍ପ ମୂଲ୍ୟରେ ବିନା ପ୍ରଦୂଷଣରେ ସହରବାସୀ ଯାତାୟତ ସୁବିଧା ପାଇପାରିଛନ୍ତି ।

ଜଣେ ଯାତ୍ରୀ କହିଛନ୍ତି ଯେ, ଆଜି ମାମେ ମାଗଣାରେ ବସରେ ଯାତ୍ରା କରୁଛୁ । ଆମକୁ ବହୁତ ଖୁସୀ ଲାଗୁଛି । ଆମେ ଆରାମରେ ଯାତ୍ରା କରୁଛୁ । ଆମଠୁ କେହି ବସ ଭଡା ନେଇ ନାହାନ୍ତି । ସ୍ୱଚ୍ଛ ବାୟୁ ଦିବସ ଅବସରରେ ପ୍ରଦୂଷଣକୁ ରୋକିବାକୁ ଏହି ନିଷ୍ପତ୍ତି ନିଆଯାଇଛି।

ଇଟିଭି ଭାରତ, ଭୁବନେଶ୍ବର