ପୁଣି ଉତ୍କଳ ବିଶ୍ଵବିଦ୍ୟାଳୟ ଭିତରେ ଅଗ୍ନିକାଣ୍ଡ ଭୁବନେଶ୍ବର: ପୁଣି ଉତ୍କଳ ବିଶ୍ଵବିଦ୍ୟାଳୟ ଭିତରେ ଜଙ୍ଗଲରେ ଅଗ୍ନିକାଣ୍ଡ । ଉତ୍କଳ ବିଶ୍ଵବିଦ୍ୟାଳୟ ଭିତରେ ଅଗ୍ନିକାଣ୍ଡ ଘଟିଥିବା ବେଳେ ଅଗ୍ନିଶମ ଗାଡି ଆସି ନିଆଁକୁ ଆୟତ କରିବାରେ ସଫଳ ହୋଇଛି । ବାରମ୍ବାର ନିଆଁ ଲାଗିଲା ପରେ ବି କର୍ତ୍ତୃପକ୍ଷ ଚେତୁନାହାନ୍ତି ବୋଲି ଅଗ୍ନିଶମ ବାହିନୀ କର୍ତ୍ତୃପକ୍ଷ କହୁଛନ୍ତି । ରାଜ୍ୟରେ ଆରମ୍ଭ ହେଲାଣି ଗ୍ରୀଷ୍ମ ପ୍ରବାହ । ବର୍ଷା ନାହିଁ, ତାତି ଉପରେ ତାତି । ଗଛ ସବୁ ଶୁଖିଲା ପଡ଼ିଲାଣି । ପତ୍ର ଝଡ଼ା ହେଲାଣି । ଏହିଭଳି ଭାବରେ ରାଜ୍ୟର ଅନେକ ଜଙ୍ଗଲରେ ନିଆଁ ଲାଗିବାର ଦୃଶ୍ୟ ମଧ୍ୟ ନଜରକୁ ଆସିଛି।
ତେବେ ଭୁବନେଶ୍ଵର ଛାତି ଉପରେ ଥିବା ଉତ୍କଳ ବିଶ୍ଵବିଦ୍ୟାଳୟ ମଧ୍ୟ ଏବେ ନିଆଁ ଚିନ୍ତା ଘାରିଛି । ଉତ୍କଳ ବିଶ୍ଵବିଦ୍ୟାଳୟର କ୍ୟାମ୍ପସ ମଧ୍ୟରେ ଥିବା ଗଛଲତାରେ ନିଆଁ ଲାଗିଥିବାର ଦୃଶ୍ୟ ଦେଖିବାକୁ ମିଳିଛି । ଆଜି ନୁହେଁ ଅନେକ ଦିନ ଧରି ଜଳୁଛି କ୍ୟାମ୍ପସ । କେତେବେଳେ ଛାତ୍ରଛାତ୍ରୀମାନେ ନିଆଁକୁ ଆୟତ କରୁଛନ୍ତି ତ କେତେବେଳେ ଅଗ୍ନିଶମ ବାହିନୀ ଆସି ନିଆଁକୁ ଆୟତ୍ତ କରୁଛନ୍ତି । ହେଲେ ବାରମ୍ବାର ନିଆଁ ଲାଗୁଥିଲେ ମଧ୍ୟ କିଛି ବି ପଦକ୍ଷେପ ନେଉନାହାନ୍ତି କର୍ତ୍ତୃପକ୍ଷ ।
ବାଣୀବିହାର ଉତ୍କଳ ବିଶ୍ଵବିଦ୍ୟାଳୟ ଭିତରେ ଅଗ୍ନିକାଣ୍ଡ ଦେଖିବାକୁ ମିଳିଛି । ବାରମ୍ବାର ନିଆଁ ଲାଗିବା ପଛରେ କାରଣ ଜଣା ପଡିନଥିବା ବେଳେ ଅଗ୍ନିଶମ ଗାଡି ଆସି ନିଆଁକୁ ଆୟତ କରିବାରେ ସଫଳ ହୋଇଛି । କିନ୍ତୁ ଏହି କ୍ୟାମ୍ପସ ମଧ୍ୟରେ ଥିବା ଗଛ ଗୁଡ଼ିକ ଶୁଖି ପତ୍ରଝଡ଼ା ଦେଇଛି । ତେଣୁ ଅତି ଗ୍ରୀଷ୍ମ କିମ୍ବା କିଏ ଦୃର୍ବୁର୍ତ୍ତ ନିଶାପାନ କରୁଥିବା ସମୟରେ ନିଆଁ ଲାଗୁଥିବା ସନ୍ଦେହ କରାଯାଉଛି । ଏମିତିକି ହଷ୍ଟେଲ ଅଞ୍ଚଳ ସମେତ କ୍ଲାସ ରୁମ୍ ପାଖାପାଖି ଥିବା ଗଛରେ ନିଆଁ ଲାଗିଥିବା ନଜରକୁ ଆସୁଛି । ତେବେ ତୁରନ୍ତ ଏହାର ପ୍ରତିକାର କରିବାକୁ ସବୁ ମହଲରୁ ଦାବି ହୋଇଛି । ସୂଚନା ଅନୁଯାୟୀ, ଗତକାଲି(ବୁଧବାର) ମଧ୍ୟ ସନ୍ଧ୍ୟା ସମୟରେ କ୍ୟାମ୍ପସରେ ନିଆଁ ଲାଗିଥିଲା । ଅଗ୍ନିଶମ ବାହିନୀ ଠିକ୍ ସମୟରେ ପହଞ୍ଚି ନିଆଁକୁ ଆୟତ୍ତ କରିଥିଲା ।
ତେବେ ଚଳିତ ସପ୍ତାହ ମଧ୍ୟରେ ବାଣୀବିହାରରେ ଦ୍ବିତୀୟ ଥର ପାଇଁ ଅଗ୍ନିକାଣ୍ଡ ଘଟଣା ଦେଖିବାକୁ ମିଳିଛି । ଉତ୍କଳ ବିଶ୍ଵବିଦ୍ୟାଳୟ ପରିସର ଭିତରେ ଥିବା ଜଙ୍ଗଲରେ ଲାଗିଲା ନିଆଁ । ଗତ ସୋମବାର 4 ଘଣ୍ଟା ହେଲା ବିଶ୍ଵବିଦ୍ୟାଳୟ ଜଙ୍ଗଲ ଜଳୁଥିଲା । ନିଆଁ ଲିଭାଇବା ଚେଷ୍ଠା କରି ନୟାନ୍ତ ହୋଇଥିଲେ ବାଣୀବିହାରର ସିକ୍ୟୁରୁଟି ଗାର୍ଡ । ଅଗ୍ନିଶମ ଗାଡି ପହଞ୍ଚି ନିଆଁକୁ ଆୟତ କରିବାରେ ସଫଳ ହୋଇଥିଲା ।
ଇଟିଭି ଭାରତ,ଭୁବନେଶ୍ବର
