ଧାରା ଶ୍ରାବଣରେ ଶୁଖି ଯାଇଛି କ୍ଷେତ, ମାଡ଼ ଖାଉଛନ୍ତି ହନୁମନ୍ତ

ଯିଏ ସୃଷ୍ଟିର ସ୍ରଷ୍ଟା ସେ ହିଁ ଖାଉଛନ୍ତି ମାଡ଼ । କଥାଟି ବିଶ୍ବାସ ନହେଲେ ମଧ୍ୟ ସତ୍ୟ । ବର୍ଷା ନହେବାରୁ ମାଡ ଖାଉଛନ୍ତି ବଜରଙ୍ଗୀ ପ୍ରଭୁ ହନୁମାନ । ପଡନ୍ତୁ ସମ୍ପୂର୍ଣ୍ଣ ଖବର

ଖୋର୍ଦ୍ଧା: ପରମ୍ପରାର ଏକ ନୂଆ ପ୍ରଥା ଦେଖିବାକୁ ମିଳିଛି । ଯିଏ ସ୍ରଷ୍ଟା ସେହିଁ ହିଁ ଖାଉଛନ୍ତି ମାଡ଼ । ଆଷାଢ଼ ଯାଇ ଶ୍ରାବଣ ମାସ ହେଲାଣି କିନ୍ତୁ ବର୍ଷାର ଦେଖା ନାହିଁ । ଚଳିତ ବର୍ଷ ମରୁଡ଼ି ଆଶଙ୍କା କଲେଣି ଚାଷୀ କୂଳ । ଏପରି ଅବସ୍ଥାରୁ ତ୍ରାହି ପାଇବା ପାଇଁ ଖୋର୍ଦ୍ଧା ଜିଲ୍ଲା ବୋଲଗଡ ବ୍ଳକ ଗିରିଗିରିଆ ଗ୍ରାମର ଚାଷୀମାନେ ଭଲ ବର୍ଷା ଓ ଭଲ ଚାଷ ପାଇଁ ହନୁମାନଙ୍କ ମୂର୍ତ୍ତି ନିକଟରେ ପୂଜା କରିଛନ୍ତି ।

ପୂଜା ଶେଷରେ ହନୁମାନଙ୍କ ଚାରିପଟେ ସାତଥର ବୁଲି ବାରିଅଁଳା ଡାଳ ସାହାଯ୍ୟରେ ମହାବୀରଙ୍କୁ ମାଡମାରି ବର୍ଷା କର ବର୍ଷା କର କହିଲେ ବର୍ଷା ହୋଇଥାଏ ବୋଲି ବିଶ୍ୱାସ ରହିଛି । ତେବେ ଏ ପରମ୍ପରା ଆଜିର ନୁହେଁ କାହିଁ କେଉଁ କାଳରୁ ଏହି ପରମ୍ପରା ଚାଲିଆସୁଛି । ଚଳିତ ବର୍ଷ କମ ପରିମାଣର ବର୍ଷା କାରଣରୁ ଗ୍ରାମବାସୀମାନେ ବାପା ଅଜା ଅମଳର ପରମ୍ପରାକୁ ଆପଣେଇଥିବା ଜଣାପଡ଼ିଛି ।


ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଈଟିଭି ଭାରତ