ଖୋର୍ଦ୍ଧା: ଚାଷୀର ପିଛା ଛାଡ଼ୁନି ସମସ୍ୟା। ଜମି ଚାଷ ଠାରୁ ଆରମ୍ଭ କରି ବିକ୍ରି ବଟା ଯାଏଁ ସମସ୍ୟାର ସମ୍ମୁଖିନ ହେଉଛି ଚ଼ାଷୀ। ଏବେ ଚାଷୀର ବିକ୍ରି ସମୟ ଚାଲିଥିବାବେଳେ ପ୍ରଶାସନ ଧାନ କିଣିବାରେ ଟାଳଟୁଳ ନୀତି ଅବଲମ୍ଭନ କରୁଛି। ସୂଚ଼ନାନୁସାରେ ଖୋର୍ଦ୍ଧା ଜିଲ୍ଲାର ବିଭିନ୍ନ ମଣ୍ଡିରେ ପଡିରହିଛି ସହ ସହ କୁଇଣ୍ଟାଲ ଧାନ ।
ଏପଟେ ସମୟ ଗଡ଼ିବା ସହ ସରିଯାଉଛି ଟୋକେନ୍ ଅବଧି ପୁଣି ମିଲର କୁଇଣ୍ଟାଲ ପିଛା ୧୦ରୁ ୧୫କିଲୋ ଧାନ କାଟୁଥିବାରୁ ଚିନ୍ତାରେ ପଡିଛି ଚାଷୀ। ଫଳରେ ଅଭାବୀ ବିକ୍ରିର ସମ୍ମୁଖିନ ହୋଇଛି ଚାଷୀ । ଏହାର ପ୍ରତିବାଦରେ ନବନିର୍ମାଣ କୃଷକ ସଙ୍ଗଠନ ପକ୍ଷରୁ ଆଜି ଖୋର୍ଦ୍ଧା ଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ ଧାନ ବସ୍ତା ରଖି ପ୍ରତିବାଦ ଜଣାଇଛି ଚାଷୀ । ସେହିପରି ତୁରନ୍ତ ଚାଷୀଙ୍କ ସମସ୍ୟାର ସମାଧାନ କରାନଗଲେ ଜିଲ୍ଲାପାଳଙ୍କ କାର୍ଯ୍ୟାଳୟରେ ତାଲା ପକାଇବା ସହ ଚ଼ାଷୀ ଆତ୍ମହତ୍ୟା କରିବ ବୋଲି ଚେତାବନୀ ଦେଇଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
