ନିଆଳି: ସମସ୍ୟା ଯେମିତି ଚାଷୀର ପିଛା ଛାଡୁନି । ମଣ୍ଡି ଅବ୍ୟବସ୍ଥା ଓ କଟନୀଛଟନୀକୁ ଚିନ୍ତାରେ ଚାଷୀ। ସେପଟେ ଅଦିନିଆ ବର୍ଷା ଯୋଗୁଁ ଭୟଭୀତ ଅବସ୍ଥାରେ ରହିଛନ୍ତି ଚାଷୀକୂଳ । ଶେଷରେ ଭୁବନେଶ୍ବରର ଓ ବନମାଳିପୁର ରାସ୍ତାର ବାଲିପାଟଣା ଛକ ଠାରେ ରାଜରାସ୍ତାକୁ ଅବରୋଧ କରି ଚାଷୀ ବିକ୍ଷୋଭ ପ୍ରଦର୍ଶନ କରିଛନ୍ତି ।
ଧାନ ସଂଗ୍ରହ ସମସ୍ୟାକୁ ନେଇ ରାଜରାସ୍ତାକୁ ଓହ୍ଲାଇଲେ ଚାଷୀ
ସେବା ସମିତି ଧାନ ନ କିଣିବା ଏବଂ ଆର୍.ଏମ.ସି ଧାନର ମାନ ନିରୂପଣ କରି କଟନୀଛଟନୀ କରୁଥିବା କାରଣରୁ ରାଜରାସ୍ତାକୁ ଅବରୋଧ କରିବା ସହ ବିକ୍ଷୋଭ ପ୍ରଦର୍ଶନ କରିଛନ୍ତି ଖୋର୍ଦ୍ଧା ଜିଲ୍ଲା ବାଲିପାଟଣା ବ୍ଲକର ଧାନ ଚାଷୀ । ଚାଷୀଙ୍କ ଠାରୁ ଧାନ କ୍ରୟ ନ କରି ହଇରାଣ ହରକତ କରିବା ସହ ଧାନର ମାନ ନିରୂପଣ ଓ ଏଫଏକ୍ଯୁ ଧାନ କ୍ରୟ ପାଇଁ ବାଧ୍ୟ କରୁଥିବାରୁ ଚାଷୀମାନେ ସେମାନଙ୍କ ଧାନ ବିକ୍ରି କରିପାରୁନାହିଁ ବୋଲି ଅଭିଯୋଗ କରିଛନ୍ତି।