ଖୋର୍ଦ୍ଧା: ଚାଷୀ ମାନଙ୍କର ଧାନ ବିକ୍ରୟ ରେଜିଷ୍ଟ୍ରେସନ ପ୍ରକ୍ରିୟାକୁ ନେଇ ଜିଲ୍ଲାରେ ଦେଖା ଦେଇଛି ବିବାଦ । ବେଗୁନିଆ ବ୍ଲକ ବଡ଼ବେରଣା ସମବାୟ ସମିତି ମାଧ୍ୟମରେ ଚାଷୀ ଖରିଫ ଧାନ ୨୦୨୧-୨୨ ମସିହାରେ ବିକ୍ରୟ କରିବା ପାଇଁ ନାମ ପଞ୍ଜିକୃତ କରିବା ନିମନ୍ତେ ଆବଶ୍ୟକୀୟ କାଗଜପତ୍ର ଦେଇ ନିର୍ଦ୍ଧାରିତ ତାରିଖ ପୂର୍ବରୁ ଆବେଦନ କରିଥିଲେ ।
କିନ୍ତୁ ଦୁର୍ଭାଗ୍ୟବଶତଃ ଆବେଦନ କରିଥିବା ପ୍ରାୟ ୬୪୫ ଜଣ ଚାଷୀଙ୍କ ମଧ୍ୟରୁ ମାତ୍ର ୪୧୭ଜଣଙ୍କ ନାମ ପଞ୍ଜିକୃତ ହୋଇଥିବା ବେଳେ ୨୨୮ଜଣ ଚାଷୀ ବାଦ ପଡିଛନ୍ତି । ଫଳରେ ଚାଷୀଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି । ଚାଷୀ ମାନେ ଚଳିତ ଖରିଫ ଋତୁରେ ଧାନ ବିକ୍ରି ପାଇଁ ନାମ ପଞ୍ଜିକରଣ ଦାବିରେ ଆଜି (ଶୁକ୍ରବାର) ବଡ଼ବେରଣା ସମବାୟ ସମିତି ସମ୍ମୁଖରେ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଧାରଣାରେ ବସିଥିଲେ ।
ଧାନ ବିକ୍ରୟ ପାଇଁ ରେଜିଷ୍ଟ୍ରେସନ ପ୍ରକ୍ରିୟାରୁ ବାଦ୍ ପଡିବା ପ୍ରତିବାଦରେ ଚାଷୀଙ୍କ ଧାରଣା