ଖୋର୍ଦ୍ଧା: ମୁଣ୍ଡ ଝାଳ ତୁଣ୍ଡରେ ମାରି ବର୍ଷକର ଫସଲ ଅମଳ ପାଇଁ ଚଳିତ ବର୍ଷ ଚାଷୀ ବହୁ ଆଶା ବାନ୍ଧି ବସିଥିଲା । କିନ୍ତୁ ଖୋର୍ଦ୍ଧା ଜିଲ୍ଲାରେ ଚଳିତ ବର୍ଷ ନିଅଣ୍ଟିଆ ବର୍ଷା ଚାଷୀର ସବୁ ଆଶା ଉପରେ କଳା ବାଦଲ ଢାଙ୍କିଦେଇଛି । ଯାହାଫଳରେ ଚାଷୀ ସରକାରୀ ସହାୟତା ଦାବି କରିଛି ।
ସେପଟେ ଏଭଳି ସ୍ଥିତିରେ କୃଷି ବିଭାଗ ମଧ୍ୟ ହାତ ଟେକିଦେଇଛି । ଶ୍ରାବଣ ଯାଇ ଆଷାଢ଼ ହେଲାଣି ଆକାଶରୁ ବର୍ଷା ବଦଳରେ ନିଆଁ ଝରୁଛି । ବର୍ଷକର ଫସଲ ଭଲ ଅମଳ ପାଇଁ ଆଶାକରି ଧାନ ବୁଣିଥିବା ଜମି ଏବେ ଫାଟି ଆଁ କରିଛି । ଯାହା ଚାଷୀର ଚିନ୍ତା ବଢ଼ାଇ ଦେଇଛି । ଚାଷ କାମ ପାଇଁ ବିଭିନ୍ନ ସେବା ସମବାୟ ସମିତି ଏବଂ ହାତ ଉଧାରୀ କରି ଋଣ ଆଣିଥିବା ଚାଷୀ ଏବେ ସରକାରୀ ସହାୟତା ପାଇଁ ଦାବି କରିଛନ୍ତି ।
ଚାଷୀର ଚିନ୍ତା ବଢ଼ାଉଛି ନିଅଣ୍ଟିଆ ବର୍ଷା