ଖୋର୍ଦ୍ଧା: ଚାଷୀର ପିଛା ଛାଡ଼ୁନି ସମସ୍ୟା । ଜମି ଚାଷ ଠାରୁ ଆରମ୍ଭ କରି ବିକ୍ରି ପର୍ଯ୍ୟନ୍ତ ସମସ୍ୟାରେ ଯୁଝି ହେଉଛି ଚାଷୀ । ଏବେ ଚାଷୀର ଅମଳ ଶସ୍ୟ ବିକ୍ରି ସମୟ ହୋଇଥିବାବେଳେ ପ୍ରଶାସନ ଧାନ କିଣିବାରେ ଟାଳଟୁଳ ନୀତି ଅବଲମ୍ବନ କରୁଛି ।
ମଣ୍ଡିରୁ ଉଠୁନି ଧାନ, ଜିଲ୍ଲାପାଳଙ୍କ ଅଫିସ ଆଗରେ ଧାରଣାରେ ଚାଷୀ ତେବେ ଖୋର୍ଦ୍ଧାରେ ଏହାର ପ୍ରତିଫଳନ ଦେଖିବାକୁ ମିଳିଛି । ଏଥିସହ ଖୋର୍ଦ୍ଧା ଜିଲ୍ଲାର ବିଭିନ୍ନ ମଣ୍ଡିରେ ପଡି ରହିଛି ଶହ ଶହ କୁଇଣ୍ଟାଲ ଧାନ । ସମୟ ଗଡ଼ିବା ସହ ଟୋକେନ୍ ଅବଧି ଶେଷ ହୋଇ ଯାଉଛି ।
ସେହିପରି ମିଲର କୁଇଣ୍ଟାଲ ପିଛା 10ରୁ 15 କିଲୋ ଧାନ କାଟୁଥିବାରୁ ଚିନ୍ତାରେ ପଡିଛି ଚାଷୀ। ଫଳରେ ଅଭାବୀ ବିକ୍ରିର ସମ୍ମୁଖିନ ହୋଇଛି ଚାଷୀ । ଏହାର ପ୍ରତିବାଦରେ ନବନିର୍ମାଣ କୃଷକ ସଙ୍ଗଠନ ପକ୍ଷରୁ ଦୁଇ ଦିନ ହେବ ଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ ଧାନ ବସ୍ତା ରଖି ପ୍ରତିବାଦ କରାଯାଉଛି ।
ଅନ୍ୟପଟେ ଚାଷୀଙ୍କ ସମସ୍ୟାର ସମାଧାନ କରା ନଗଲେ ଜିଲ୍ଲାପାଳଙ୍କ କାର୍ଯ୍ୟାଳୟରେ ତାଲା ପକାଇବା ସହ ଚାଷୀ ଆତ୍ମହତ୍ୟା କରିବ ବୋଲି ଚେତାବନୀ ଦେଇଛନ୍ତି ଆନ୍ଦୋଳନରତ ଚାଷୀ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
