ଖୋର୍ଦ୍ଧା:ଆସୁନି ଟାର୍ଗେଟ କି ଖୋଲିନି ମଣ୍ଡି । ଫଳସୂରୁପ ମୁଣ୍ଡ ଝାଳ ତୁଣ୍ଡରେ ମାରି ସୁନାର ଫସଲ ଅମଳ କରିଥିବା ଚାଷୀ ଦହଗଞ୍ଜ ହେଉଛନ୍ତି । ଏଣୁ ନିଜ କଷ୍ଟ ଅର୍ଜିତ ଫସଲକୁ ସରକାର ଖୋଲିଥିବା ମଣ୍ଡିରେ ବିକି ନ ପାରି ବାଧ୍ୟ ହୋଇ ଚାଷୀମାନେ ସମବାୟ ସମିତି କାର୍ଯ୍ୟାଳୟରେ ତାଲା ପକାଇ ବିକ୍ଷୋଭ କରିଛନ୍ତି । ଖୋର୍ଦ୍ଧା ଜିଲ୍ଲା ବେଗୁନିଆ ବ୍ଲକ ବଡବେରଣା ସେବା ସମବାୟ ସମିତିରୁ ଏହି ଚିତ୍ର ସାମ୍ନାକୁ ଆସିଛି ।
ମଣ୍ଡି ସମସ୍ୟା, ସମବାୟ କାର୍ଯ୍ୟାଳୟରେ ଚାଷୀଙ୍କ ତାଲା
ସୂଚନାଯୋଗ୍ୟ, ବଡବେରଣା ସେବା ସମବାୟ ସମିତିର ଚାଷୀମାନେ ଟୋକନ ଥାଇ ମଧ୍ୟ ଟାର୍ଗେଟ ଆସୁନଥିବା କାରଣରୁ ସରକାରଙ୍କୁ ଧାନ ବିକ୍ରି କରିପାରୁ ନାହାନ୍ତି । ଚାଷୀମାନେ ଏ ସମ୍ପର୍କରେ ବାରମ୍ବାର ଯୋଗାଣ ଅଧିକାରୀ ଏବଂ ଜିଲ୍ଲାପାଳଙ୍କୁ ଅବଗତ କରି ନିରାଶ ହେବା ପରେ ସମବାୟ ସମିତିରେ ତାଲା ପକାଇଥିବା ଜଣାପଡିଛି ।