ଖୋର୍ଦ୍ଧା : ବିଭିନ୍ନ ସମସ୍ୟାରେ ଘାଣ୍ଟି ହେଉଛି ଚାଷୀ । କେତେବେଳେ ମରୁଡି ତ ଆଉ କେତେବେଳେ ଅଦିନିଆ ବର୍ଷା ଚାଷୀ ପାଇଁ ବୋଝ ଉପରେ ନଳିତା ବିଡା ସାଜୁଛି । ଆଉ କେତେବେଳେ ମଣ୍ତି ସମସ୍ୟା ନେଇ ରାଜରାସ୍ତାକୁ ଓହ୍ଲାଉଛି ଚାଷୀ ।
MANDI PROBLEM : ମଣ୍ଡି ଖୋଲିବା ପାଇଁ ଖୋର୍ଦ୍ଧା କଣ୍ଟିଲୋ ମୁଖ୍ୟରାସ୍ତା ଅବରୋଧ କଲେ ଚାଷୀ
ଖୋର୍ଦ୍ଧା ଜିଲ୍ଲାରେ ଚାଷୀ ତାର ଧାନ ସରକାରଙ୍କୁ ନିର୍ଦ୍ଧାରିତ ମୂଲ୍ୟରେ ବିକ୍ରି କରିବା ପାଇଁ ଚାହିଁ ବସିଥିବାବେଳେ ଏପର୍ଯ୍ୟନ୍ତ ମଣ୍ଡି ଖୋଲି ନାହିଁ । ଏହାର ପ୍ରତିବାଦରେ ଆଜି(ସୋମବାର) ଖୋର୍ଦ୍ଧା କଣ୍ଟିଲୋ ମୁଖ୍ୟ ରାସ୍ତାକୁ ଗେଡ଼ିଆପଲି ଠାରେ ସାଲତରା ସେବା ସମବାୟ ସମିତିର ଶତାଧିକ ଚାଷୀ ଅବରୋଧ କରି ବସିଛନ୍ତି । ଚାଷୀଙ୍କ ଆନ୍ଦୋଳନକୁ ଦୃଷ୍ଟିରେ ରଖି ବେଗୁନିଆ ପୋଲିସ ପକ୍ଷରୁ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି ।