ଭୁବନେଶ୍ବର: ୧୦୮ ଆମ୍ବୁଲାନ୍ସ ସେବାକୁ ଫେକ କଲ । ମିଛରେ ଦେହ ଖରାପ ଥିବା କହି କଲ କରୁଛନ୍ତି କିଛି ଆସାମାଜିକ ବ୍ୟକ୍ତି । ଅଶ୍ଲୀଳ ଭାଷାର ଗାଳି ଗୁଲଜ କରିବା ସହ କଲ ସେଣ୍ଟରର କର୍ମଚାରୀଙ୍କୁ କରୁଛନ୍ତି ହଇରାଣ । ଯଦି କେହି ଯୁବକ ଫୋନ ଉଠାଉଛନ୍ତି ତେବେ ତାଙ୍କୁ ମ୍ୟାଡାମଙ୍କୁ ଫୋନ ଦେବାକୁ କହୁଛନ୍ତି । ଜରୁରୀକାଳୀନ ସେବା ପାଇଁ ଉଦ୍ଦିଷ୍ଟ ଥିବା ୧୦୮ ମାଗଣା ଆମ୍ବୁଲାନ୍ସ ସେବାର କଲ ସେଣ୍ଟରକୁ ଏବେ ଏଭଳି ଶହ ଶହ ଫେକ୍ କଲ ଆସିବାରେ ଲାଗିଛି । ଏହି ଜରୁରୀକାଳୀନ ନମ୍ବର ଏବେ କିଛି ଅସାମାଜିକ ଯୁବକଙ୍କ ପାଇଁ ପାଲଟିଛି ମଜା ଓ ଟାଇମପାସର ମାଧ୍ୟମ । ପ୍ରାୟତଃ ସବୁଦିନ ଏଭଳି କିଛି ବ୍ୟକ୍ତିଙ୍କର କଲ ଆସୁଥିବା ନେଇ ଅଭିଯୋଗ ହୋଇଛି । ଫଳରେ ଜରୁରୀ ସେବା ପାଇଁ କଲ କରୁଥିବା ଲୋକ ମଧ୍ୟ ହଇରାଣ ହେଉଛନ୍ତି ।
ଜରୁରୀ ସେବା ସହ କରୁଛନ୍ତି ଟାଇମ ପାସ୍
ଅଭିଯୋଗ ମୁତାବକ, ଜରୁରୀକାଳୀନ ସେବା ୧୦୮ର ମାଗଣା ନମ୍ବର ଏବେ କିଛି ଅମାନିଆ ଯୁବକଙ୍କ ପାଲଟିଛି ମନୋରଞ୍ଜନର ମାଧ୍ୟମ । କିଏ ଫୋନ କରି ପ୍ରେମ ନିବେଦନ କରୁଛି ତ ପୁଣି କିଏ ନିଜର ପ୍ରେମ କାହାଣୀ କର୍ମଚାରୀଙ୍କୁ କହୁଛି । ଏପରିକି କିଛି ବ୍ୟକ୍ତି ଫୋନ ଉଠାଉଥିବା ମହିଳା କର୍ମଚାରୀଙ୍କୁ ଅସଭ୍ୟ ଭାଷା କହିବାକୁ ମଧ୍ୟ ପଛାଉ ନାହାନ୍ତି । ଏହାଦ୍ୱାରା ଯୁବତୀ ଟେଲି କଲର ମାନସିକ ଭାବେ ଭାଙ୍ଗି ପଡ଼ୁଥିବା ବେଳେ ପୋଲିସ କିନ୍ତୁ କୌଣସି ଆଖି ଦୃଶିଆ ପଦକ୍ଷେପ ନେଉନାହିଁ ।
କିଏ କହୁଛି ମ୍ୟାଡାମଙ୍କୁ ଫୋନ୍ ଦଉନ