ଭୁବନେଶ୍ବର:ରାଜଧାନୀରେ ପଶିଲା ହାତୀ (Elephant Enters Bhubaneswar)। ଗତକାଲି(ମଙ୍ଗଳବାର) ବିଳମ୍ବିତ ରାତିରେ ଭୁବନେଶ୍ବର ସହର ମଧ୍ୟକୁ ପଶିଆସିଥିଲା ଦନ୍ତାହାତୀ । ହାତୀଟି ଧଉଳିରୁ ଗ୍ୟାରେଜ ଛକ ଦେଇ ଲିଙ୍ଗରାଜ ମନ୍ଦିର ପର୍ଯ୍ୟନ୍ତ ଆସିଥିବା ସୂଚନା । ମଙ୍ଗଳବାର ରାତିରେ ସହର ମଧ୍ୟକୁ ଏକ ହାତୀ ପଶି ଆସିଥିବାରୁ ଘଉଡ଼ାଇବାକୁ ନାକେଦମ ହୋଇଥିଲେ ବନବିଭାଗ ଏବଂ ସ୍ଥାନୀୟ ଲୋକେ । ତେବେ ଆଜି ଆଇଗିଣିଆ ଅଞ୍ଚଳରେ ହାତୀକୁ ଟ୍ରାଙ୍କୁଲାଇଜ୍ କରିବାରେ ସମର୍ଥ ହୋଇଛି ବନବିଭାଗ ।
ରାଜଧାନୀରେ ପଶି ନାକେଦମ କଲା ଦନ୍ତା ଏହା ମଧ୍ୟ ପଢନ୍ତୁ: କୃଷି କ୍ଷେତ୍ରରେ ବିପ୍ଳବ ଆଣିବାକୁ ସଲାଇଙ୍କ ପ୍ରୟାସ, ବୁଲେଟ୍ରେ ବୁଲୁଛନ୍ତି ବିଭିନ୍ନ ରାଜ୍ୟ
ସୂଚନାଅନୁସାରେ, ହାତୀଟି ଦିନରେ ପିପିଲି ଉପଦ୍ରବ କରିବାପରେ ରାତିରେ ରାଜଧାନୀମୁହାଁ ହୋଇଥିଲା । ଧଉଳିରୁ ଗ୍ୟାରେଜ ଛକ ଦେଇ ଲିଙ୍ଗରାଜ ମନ୍ଦିର ପର୍ଯ୍ୟନ୍ତ ଆସିଯାଇଥିଲା ହାତୀ । ରାତିରେ ସହର ମଧ୍ୟକୁ ଏକ ହାତୀ ପଶି ଆସିଥିବାରୁ ଘଉଡ଼ାଇବାକୁ ନାକେଦମ ହୋଇଥିଲେ ବନବିଭାଗ ଏବଂ ସ୍ଥାନୀୟ ଲୋକେ । ପ୍ରାୟ 50ରୁ ଅଧିକ ବନ କର୍ମଚାରୀ ହାତୀକୁ ଘଉଡ଼ାଇବାକୁ ଚେଷ୍ଟା କରି ବିଫଳ ମଧ୍ୟ ହୋଇଥିଲେ।
ଏହାସହ ସ୍ଥାନୀୟ ଅଞ୍ଚଳବାସୀ ମଧ୍ୟ ଭୟଭୀତ ହୋଇପଡିଥିଲେ । ଶେଷରେ ଆଜି ସକାଳ ସମୟରେ ଆଇଗିଣିଆରେ ଦନ୍ତାହାତୀକୁ ଟ୍ରାଙ୍କୁଲାଇଜ କରିବାରେ ସକ୍ଷମ ହୋଇଛି ବନବିଭାଗ । ତେବେ ବର୍ତ୍ତମାନ ହାତୀକୁ ଅନ୍ୟତ୍ର ସ୍ଥାନାନ୍ତର କରିବା ପକ୍ରିୟା ଜାରି ରହିଛି। ଟ୍ରାଙ୍କୁଲାଇଡ ପରେ ହାତୀଟି ସ୍ଥିର ଥିବା ସହ ସୁରକ୍ଷିତ ଥିବା ଜଣାପଡିଛି । ତେବେ ବର୍ତ୍ତମାନ ହାତୀକୁ ଚନ୍ଦକା ଅଭିମୁଖେ ନିଆଯାଉଥିବା ସୂଚନା ମିଳିଛି ।
ଇଟିଭି ଭାରତ, ଭୁବନେଶ୍ବର
