ଖୋର୍ଦ୍ଧାରେ ହାତୀ ଉପଦ୍ରବ, ବ୍ୟାପକ ଫସଲ ନଷ୍ଟ

ଖୋର୍ଦ୍ଧାରେ ହାତୀ ଉପଦ୍ରବ । ବ୍ୟାପକ ମାତ୍ରାରେ ଫସଲ ନଷ୍ଚ କଲେ ହାତୀ ।

ଖୋର୍ଦ୍ଧା: ରାମେଶ୍ବର ଅଞ୍ଚଳରେ ମାତିଛନ୍ତି ହାତୀ ପଲ । ରାମେଶ୍ବର ଅଞ୍ଚଳରେ ଥିବା ଏକ ଫାର୍ମହାଉସ ତଥା ଏହାର ଆଖପାଖ ଅଞ୍ଚଳର ବିଲରେ ପଶି ହାତୀ ବ୍ୟାପକ ଫସଲ ନଷ୍ଟ କରିଛି ।

ସେହିପରି ଆଜି(ବୁଧବାର) ଭୋର ସମୟରେ ରାମେଶ୍ବରର ପଙ୍କଜ ବିଶ୍ବାଳ ନିଜ କ୍ଷେତ ଦେଖିବାକୁ ଯାଇଥିବା ବେଳେ ହାତି ହାବୁଡ଼ରେ ପଡି ଗୁରୁତର ହୋଇଛନ୍ତି । ପାଖାପାଖି 25ଟି ହାତୀପଲ ପଙ୍କଜଙ୍କ କ୍ଷେତରେ ପଶି ବ୍ୟାପକ ଫସଲ ନଷ୍ଟ କରିବା ସହ ପଙ୍କଜଙ୍କୁ ଶୁଣ୍ଢରେ ଟେକି କଚାଡି ଦେଇଥିଲା । ଗୁରୁତର ଅବସ୍ଥାରେ ତାଙ୍କୁ ଖୋର୍ଦ୍ଧା ଡାକ୍ତରଖାନାରେ ଭର୍ତ୍ତି କରାଯାଇଛି ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ