ମଦ୍ୟପାନ କରି ଦୁର୍ଘଟଣା ଘଟାଇଲେ କନେଷ୍ଟବଳ, 2 ଗୁରୁତର

ବାରବାଟୀ ରାସ୍ତାରେ ରବିବାର 2 ବାଇକ ମୁହାମୁହିଁ ଧକ୍କା । ଗୁରୁତର 2 ଜଣଙ୍କ ମଧ୍ୟରେ ଜଣେ ପୋଲିସ କନେଷ୍ଟବଳ ଥିବାବେଳେ ଆଉ ଜଣେ ସାଧାରଣ ଲୋକ ବୋଲି ଜଣାପଡିଛି ।

ଖୋର୍ଦ୍ଧା: ଜିଲ୍ଲା ବୋଲଗଡ ଥାନା ଅନ୍ତର୍ଗତ ଆରିକିମା ବାରବାଟୀ ରାସ୍ତାରେ ରବିବାର 2ବାଇକ ମୁହାମୁହିଁ ଧକ୍କା ହୋଇଛି । ଏହି ଦୁର୍ଘଟଣାରେ 2ଜଣ ଗୁରୁତର ହୋଇଥିବା ଜଣାପଡିଛି । ଗୁରୁତର2ଜଣଙ୍କ ମଧ୍ୟରେ ଜଣେ ପୋଲିସ କନେଷ୍ଟବଳ ଥିବାବେଳେ ଆଉ ଜଣେ ସାଧାରଣ ଲୋକ ବୋଲି ଜଣାପଡିଛି ।

ବାଇକ ଦୁର୍ଘଟଣା

ସାଧାରଣ ଲୋକଙ୍କ ଅଭିଯୋଗ ଅନୁସାରେ ବୋଲଗଡ ଥାନା ଅନ୍ତର୍ଗତ ବଂକୋଇ ଫାଣ୍ଡିରେ କାର୍ଯ୍ୟରତ ପୋଲିସ କନେଷ୍ଟବଳ ପ୍ରଚୁର ମଦପିଇ କୋଟସିଙ୍ଗା ଗ୍ରାମର ଜିତେନ୍ଦ୍ର କୁମାର ସାହୁଙ୍କୁ ଧକ୍କା ଦେଇ ଦୁର୍ଘଟଣା ଘଟାଇଛନ୍ତି ।

ଖବରପାଇ, ଗ୍ରାମବାସୀ ଘଟଣାସ୍ଥଳରେ ପହଞ୍ଚି ଧକ୍କା ଦେଇଥିଲା କନେଷ୍ଟବଳଙ୍କୁ ଅଟକ ରଖି ଥାନାକୁ ଖବର ଦେଇଥିଲେ । ଖବର ପାଇ ବୋଲଗଡ ଥାନା ଅଧିକାରୀ ଘଟଣା ସ୍ଥଳରେ ପହଞ୍ଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରି କନେଷ୍ଟବଳକୁ ନେବା ସହ ଆହାତ ଜିତେନ୍ଦ୍ରକୁ ମେଡିକାଲ ପଠାଇଥିଲେ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ