ବିଜେପି କାର୍ଯ୍ୟକାରିଣୀ ବୈଠକ, ଅପରାଜିତା-ସୋନାଲିଙ୍କ ମଧ୍ୟରେ ତୁତୁ ମେଁମେଁ

ସାଂସଦ ଅପରାଜିତାଙ୍କ ବିରୋଧରେ ବିଜେପି ଭିତରୁ ଆରମ୍ଭ ହେଲାଣି ବିଦ୍ରୋହ । ବିଜେପି କାର୍ଯ୍ୟକାରିଣୀ ବୈଠକରେ ଏଭଳି କିଛି ଦୃଶ୍ୟ ଏହି ଚର୍ଚ୍ଚାକୁ ଜୋରଦାର କରିଛି । ଅଧିକ ପଢନ୍ତୁ

ଖୋର୍ଦ୍ଧା: ଗତ ବୁଧବାର ବୋଲଗଡ଼ ନଡିଘୋଷ ଭବନରେ ବିଜେପି କାର୍ଯ୍ୟକାରିଣୀ ବୈଠକରେ ଅପରାଜିତା ସୋନାଲିଙ୍କ ତୁ ତୁ ମେ ମେ । ବିଜେପି ଭିତରୁ ଅପରାଜିତାଙ୍କ ବିରୋଧରେ ଆରମ୍ଭ ହେଲାଣି ବିଦ୍ରୋହ । ମନମୁଖୀ କାର୍ଯ୍ୟ ପାଇଁ ନିଜେ ଅଡୁଆରେ ପଡିଛନ୍ତି ଭୁବନେଶ୍ବର ସାଂସଦ ଅପରାଜିତା ।

କାର୍ଯ୍ୟକାରିଣୀ ବୈଠକରେ ଜିଲ୍ଲାର ବହୁ ତୁଙ୍ଗ ନେତା ଯୋଗଦେଇଥିଲେ ମଧ୍ୟ ସାଂସଦଙ୍କ ନିର୍ଦ୍ଦେଶରେ ମଞ୍ଚ ଉପରେ ପଡିଥିଲା ଚେୟାର । ମଞ୍ଚ ଉପରେ ସାଂସଦଙ୍କ ନିର୍ଦ୍ଦେଶ ମୁତାବକ ଲୋକଙ୍କୁ ବସାଯାଇଥିବା ବେଳେ ବହୁ ବରିଷ୍ଠ ରାଜ୍ୟ ସ୍ତରୀୟ ନେତା ମଞ୍ଚ ତଳେ ବସିଥିଲେ । ଘଟଣା ଏମିତି ହେଲା ଯେ ମଞ୍ଚ ତଳେ ବସିଥିବା ରାଜ୍ୟ ବିଜେପି ମୁଖପାତ୍ର ସୋନାଲି ସାହୁ ସାଂସଦ ଅପରାଜିତଙ୍କ ଉଦ୍ଦେଶ୍ୟରେ ଦେଇଥିବା ମନ୍ତବ୍ୟ ଏବେ ସୋସିଆଲ ମିଡିଆରେ ବେଶ ଭାଇରଲ ହେଉଛି ।

ଯେଉଁଥିରେ ସୋନାଲି ଅସନ୍ତୋଷ ଭାବେ ସଭାରେ କହୁଥିବା ଦେଖିବାକୁ ମିଳୁଛି । ଏହାକୁ ଦେଖିବା ପରେ ଏବେ ଖୋର୍ଦ୍ଧା ଜିଲ୍ଲା ତଥା ବେଗୁନିଆ ବୋଲଗଡ଼ ଅଂଚଳରେ ଚର୍ଚ୍ଚାର ବିଷୟ ପାଲଟିଛି । ସେହିପରି ଘଟଣା ସମ୍ପର୍କରେ କିଛି ନକହି ଘଟଣାକୁ ଏଡାଇ ଯାଇଛନ୍ତି ଖୋର୍ଦ୍ଧା ଜିଲା ବିଜେପି ସଭାପତି । ଦଳ ଓ ସାଂସଦଙ୍କ ମଧ୍ୟରେ କିଛି କେଁ ରହିଥିବା କର୍ମୀଙ୍କ ମଧ୍ୟରେ ଆଲୋଚନା ହେଉଛି ।

ଇଟିଭି ଭାରତ, ଖୋର୍ଦ୍ଧା